السلام عليكم ورحمه الله وبركاته

طريقة عمل اللانشون البيتي بدون لحم :) من مطبخي بالصور

شوفوا بقى يابنات مفيش حد مش بيحب اللانشون

بس بنخاف نجيبه من براا عشان اضراره ومش عارفيين بيتعمل ازااي

عشان كده هوريكم طريقة عمل اللانشون فى البيت

حاجة كده نضيفة ومضمونة :)
يالا نبدأ مع المكونااات والطريقة


هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x533.



- 3 جبنة مثلثات
-3 فصوص ثوم
- 3 بيضات
3 معالق كبيرة دقيق
1/2 كوب زييت
2 مكعب مرقة دجاج
(ساعات بستبدلها بمكونات بتدي نفس الطعم هبقى انزلهالكم بالصور قريب بإذن الله )


نيجي بقى للطريقة


نضربهم كلهم فى الخلاط مع بعض



بعدها نحطهم فى كوبايات أسنلس مدهونة بزيت عشان ميلزقش فيها الخلييط يابناات

ونحطها فى حلة فيها ميه على النار ونوطي شوية ونغطي الحلة ونسيبها حوالي ساعة إلا ربع

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x533.


وخالى بالنا من منسوب الميه عشان ميطلعش على الكوبايات فاهمين قصدي ؟

وبعدها نشوف ايه الاخبار

يعني نفتح الحلة وتحطيها صبعك كده على اللانشون شوفي بقى ماسك نفسه ولا لسه سايل

بعدها تطلعيه يبرد وتدخلي الفريزر كده بتاع 1/2 ساعة عشان يمسك نفسه
يطلع تقطعيه

بيبقى شكله كده

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x533.


وبالهنا والشفاا :)
ملحوظة :

اااه نسيت اقولكم على لون اللانشون اللى فى الصورة

انا جايبة لون صحي من العطار مش (دم غزال)


عشان في ناس بتفكر ان دم الغزال ينفع يضاف للأكل

دم الغزال ده زي السم يبنات محدش يجبوه


لكن اللون ده اللى انا حطاه على اللانشون جايباه

من العطار لون صحي وممكن اصلاً متجبيهوش ولا تحطوه لو حابيين


ومتنسونيش من صالح دعائكم


وليكم حق النشر فى اى مكان تحبوه


بحبكم فى الله