حوايج العتيبيات 2013 , معلومات عن حوايج العتيبيات 2013

جبتلكم احلى نصائح وعلومات عن حوايج العتيبيات

ان شاء الله بتستفيدو

مره لقيت وحده تبي حوايج العتيبيات

انا فيني فزعة عتيبيه
واللي تبي تقلط وياهلا
هاه اختي نبدا وترا الطريقه ممتعه جدا ولونتس عندي قريب سويتها وجتس برسم الطلب يام كريشه

كيلو ترمس تكسرينوه بالنجر وتاخذين اللي جوته

3ريال> لويه>لونها اخظر وملويه تكسرين العودان الصغير اللي بروسها وترمين العودين

فلفل اسود حسب الرغبه

5ريال عرق الهواء >اسود وطويل زي قرن العنز تكسرينه وترمين بذوره اللي جوته وتاخذي العودالاسود اللي كسرتيه

3ريال حبه سوداء
3ريال كزبره ناشفه حلو طعمها

3ريال فلفل هواء
نص كيلو ماش
سكر نبات للتحليه
5ريال رزنه

5ريال شمر
ربع كيلو حلبه

4حبات كلوه >تلاقي لونها بني> اكسؤيها وارمي القشره وخوذي الليجوتها 3ريال كاثه تجي مربعه كانها قطعت خشب

5ريال مغاط مطحون او عودان

3رال هيل حبشي
2رالين بلحة الفواد
2عشبة المدينه>>رهيبه للمره حتئ مع الدوره>>لاتكثرينها حطي منها ملعقتين او ثلاث

3ريال يانسون
ملعقة ((سلطه ))عنزروت

3رال مره

3ريال صك هذاللي يصك صح

3ريال عصفر
4رال دارسين قرفه

((نصف كيلو ستينية القصيم من عند العطار تلاقيها جاهزه)

تاخذين جميع المقادير وتكسرينها بعد ماتحضرينها
بالنجر تدقينها مو ناعمه
بعدين تحطينها بصحن واسع وتمسكينوه بيدينك وتنسفينه بشويش عشان يطير الغبار وخلي عند غتره بيضا )هذه احد فوائد الزواج ((وبعد ماتنفضين الحوايج بالصحن عن الغبار افردي الغتره بصحن ثاني وصبي الحوايج فيها واجلسي اقركي افركي لين تحسين انها نضفت من الغبار )) ثمن حطيها بقدر وحطي عليها ستينيت القصيم اللي شريناها من العطار جاهزه

ثمن حطيها بكيس وطيران على اقرب طاحون واطحنيها زين ناعمه ثمن خليها تبرد وحطيها بعلبة نيدو وحطيها بالفريزر وحطي منها بعلبه زجاج عندك واستخدميها مع القرص والعصيده والمرقوق

ابتعدي عن الرز الا ملعقتين اذا اشتهيتيه

كثري من المرقوق باللحمه غدا وعشا وحطي معه الحوايج

وبهار القهوه > هيل ومسمار _ ونونخه_ وشمر وعصفر قليل _وكمون _وقرفه _ وزنجبيل _ شيبه_تطحنينهم مع بعض وتبهرين قهوتك فيهم
هذه القهوه العاديه

اما القشر حطي بهارها قرفه زنجبيل بس عشان تنضفك

ثمن نجي للتمره تطلعين عجمها وتحطينها على النار مع سمن بري وشوية دقيق لين التمره تحتر ثمن
نزليها من النار وحطي عليها ملعقتين من الحوايج
وملعقتين من الرشاد وهذه تمرتك طول نفاسك اعتمديها


نجي للغسول

هاتي كميه من الملح الخشن وحطي كثره مره مثلا كاستين ملح كاستين مره واطحنيهم وم ثالث يوم ابدي توضي فيهم حطيهم بمويه دافيه لاتكثريت في اليوم مرتين مساء وصباح اعتمديها طول انفاسك هذه انا عتمدها حتئ مع الدوره

انتبهي للوجباتك من صلاة الفجر يكون فطورك جاهز

وكل ساعتي حاولي تشربين حليب بالحلبه
او حليب بالزنجبيل الساعه عشر حطي شي اكليه عصيده قرص اي شي او حطي عندك حافظة مصابيب بالعسل وجنبها
ترمس حليب بالحلبه عشان ماتجوعين انتبهي للجوع والبرد هذا دمار المره

وبعد اسبوعين حاولي تمشين نصف ساعه عشان البطن يروح


باقي الشاهي والبخور بنزله قريب باخذه من امي وانزله لكم


هذه حوايج امي متعلمتها امي من مداويه عتيبيه من زمااااااااااااااان جدتي

كامله وطريقتها معنا


والله يقومك بالف سلامه


وراح تشوفين ردة فعل طويل العمر بعد الاربعين