صفحة 1 من 7 123 ... الأخيرةالأخيرة
النتائج 1 إلى 6 من 41

رواية كاملة 2013 , رواية عن اربع بنات 2013


رواية كاملة لاربع بنات طبعا هم اربع بنات ( سارا ـ الجوري ـ غزل ـ ملاك ) ما جمعتهم صلة قرابه جمعتهم الضحكه الحلوه والصداقه وحب المغامره قضوا مواقف كثيير
  1. #1

    افتراضي رواية كاملة 2013 , رواية عن اربع بنات 2013


    رواية كاملة لاربع بنات
    طبعا هم اربع بنات ( سارا ـ الجوري ـ غزل ـ ملاك ) ما جمعتهم صلة قرابه جمعتهم الضحكه الحلوه والصداقه وحب المغامره قضوا مواقف كثيير مع بعض ضحكوا بكوا تعبوا تألموا فرحوا وراح تشوفوا كلللل مغامراتهم
    بس اول شي بوصف لكم البنات :-
    سارا:- بييضاء وشعرها لاسفل ظهرها لونه بني فاتح طولها متوسط عيونها عاديه بس رمووشها جذااابه خشمها طويل
    شفايفها عاديه خفيفة دم لكنها عنيده وقويه وعلى قولت ابوها عن مية رجاال .. عندها 4 اخوان و5 اخوات 3 متزوجات بالبيت هي واختها سوار
    الجوري :- بيضااء طوويله شعرها لكتوفها لونه كستنائي عيونها واسعه خشمها طوويل وشفايفها عاديه هي بعد خفييفة دم
    وتحب الوناسه والمغامرات والاستهباال..
    غزل :- بيضااء شعرها اسود طوييل طولها عادي عيونها جذاابه خشمها عادي شفايفها صغيره حبووبه وتساعد الكل وتحب المغااامراات والضحك ..وحيدة امها وابوها
    ملاك :- بيييضااء طويله شعرها لاسفل رقبتها بني فاتح عيونها عاديه خشمها طوويل وشفايفها صغار متقلبة المزاج
    تمووت بشي اسمه مغامرات وضحك ..عندها اختين واخ واحد

    (البـــــــارت الاول)


    يوم الاربعاء الساعه 11 الصبح جوالها يرن وهي مالها خلق تفتح عيونها تشوف مين وبالاخير مدت يدها لمصدر الصوت وردت بصوت شبه مبحوح ..
    الجوري: هلا
    سارا :مرررحباااا
    الجوري ببرود : مراحب
    سارا :يوووو وشفيييك انا متحمسه ليه انتي كذا ؟؟
    الجوري :ابد بس كنت نايمه , امريني ؟
    سارا : امممم كلمت البنات وكلمت ماما وكلنا وافقوا اهالينا ع المعهد
    الجوري : لالالالا احلللفي !!
    سارا :وربيي
    الجوري جلست بحماس : وااااااو وناااسه يللللا الله يعيننا هالاسبوعين اختبارات وغثا بس الاهم نرجع نلتقي
    سارا:طيب غلاتي اخليك هالحين بروح اذاكر واحفظ لي كلمتين خبرك بقي يومين ع الاختبارات
    الجوري : حمستييييني حتى انا بروح اذاكر بااااي
    سارا: بايات
    بمكان ثاني فهد طفشان مسك جواله واتصل ع سلطان ..دق مره وثنتين وثلاث محد رد...وفي الاخير رد سلطان معصب :-
    سلطان: ووجع ولعنه خير وش تبي يا الغثا؟؟؟
    فهد : بسم الله سكنهم مساكنهم ..سلماات يا الاخو؟؟
    سلطان:يااخي نايم .وش عندك؟؟
    فهد :ابوووك يا الخيانه تنام وتخليني والله اني طفشاااان بالحيييييل
    سلطان :وش اسويلك يعني ؟؟؟
    فهد : قوم نشوف لنا مكان نروح له
    سلطان :بشرط توديني مطعم اكل لي شي .. نايم من امس بمووت جوع
    فهد :ابشر بس بس يللا قوم الحين بمرك
    سلطان :باي
    فهد : بايات
    سلطان قام ياخذ له شور سريع وبعدها لبس تيشرت اسود وجينز ونظاراته الشمسيه ونزل طبعا سلطان اسمراني جسمه رياضي طويييل شعره لرقبته بالعربي الفصيح خوقااااقي ..
    نزل لقي فهد توه واصل ع الوقت فهد رافع صوت المسجل طبعا فهد كدش بشرته بيضا بس هو مسوي تان طويل وجسمه عادي ..
    فهد :هلا والله
    سلطان :يللا طيير ع المطعم
    فهد : حاضر حاضر لاتاكلني بس
    واثناء ماهم يمشوا في الشارع
    فهد : اللللللله سلطان شوف الاعلانات
    سلطان :وخير يا طير!
    فهد :فااهم وش يعني معهد
    بنات ؟؟
    سلطان :ايه فاهم وش قالولك هندي ؟؟
    فهد:ياا ذكي اقصد وش رايك نروح نبلط عند المعهد <<نجلس
    سلطان :والله مهي شينه
    فهد : يللا سلطان شوف المطعم حلو صح؟؟
    (كان المطعم عباره عن محل متهااااالك والديكور رايح فيها والناس ينعدون ع الاصابع)
    سلطان :فهيد بالله انت صاحي من عقلك ؟؟
    فهد : ايه وش فيها ؟ ترا ولو ان المطعم ديكوره شين لكن له اسمه هذا من قبل ما تنولد انت ووجهك
    سلطان يأشر ع نفسه : انا سلطان ولد العز انزل فيذا ؟؟ لاوالله ما طبيييتها ماغير حرك حرك ع المعهد ابرك لنا
    فهد :طيب ..طيب لاتنافخ عليّ ادري انك سلطان .. راحوا سلطان وفهد عند المعهد وكان المكاان فاااااضي مافي سيارات ولا أي مخلووق ..
    سلطان : فهيد شوف مافي احد!
    فهد : وش دراك يمكن تجي بنت منا والا منا تسجل والا شي !
    سلطان : امش نرجع البيت ابرك
    فهد : اففففف امري لله
    وراحوا لبيت سلطان وقضوا اليوم سواليف ..
    مرت الايام بسرعه يوم السبت الساعه 6 ببيت ملاك :-
    ملاك : مااامي قولي لسيتي تجهز الفطور بسرعه وتطلعه غرفتي وخلي ريناد تجيييي
    ام ملاك: طيب طيب سمعووك الجيران
    ملاك: طيب اسفه يللا بروح البس
    وراحت ملاك تلبس وافطرت وجهزت اغراضها ووداها السواق للمدرسه سلمت ع روان وانوار صاحباتها وطلعوا كلهم اللجنه عشان يختبروا رياضيات
    عند الجوري:-
    الجوري قامت طفشانه لانها طفشت من كثر المذاكره
    الجوري بملل : واتي طلعي جزمتي البينك وجهزيها تحت
    واتي : حاضر
    خلصت ع السريع وطلعت مع السواق وهي بعد وصلت مدرستها وسلمت ع اسيل ونوف ومرام والبنات كللهم وطلعوا القاعات
    عند سارا :-
    سارا : سوار حبيبتي نزليلي اغراضي السياره وانا بلبس عبايتي وبنزل
    سوار : طيب يللا عشان ما تتأخري
    نزلت سوار وع طول لحقتها سارا وراحت مدرستها وشافت اميره وشهد وصاحباتها وسلمت عليهم وذاكروا شوي ودخلوا لقاعتهم
    غزل صاحيه من بدرررري وراحت المدرسه من بدري وجلست تذاكر ودخلت القاعه مع صاحباتها
    طبعا مر اول اسبوع في الاختبارات بسرعه وكان فيه مغامرات واحداث يوم الاربعاء الليل بالمسن :-
    سارا:بناات وربي طفش وش رايكم نتقابل بكرا ؟؟
    الجوري : وليه بكرا ليه مو الحين ؟؟
    ملاك : الجوري ادري انك مجنونه بس يرررحم اهلك لاتجننينا معك
    غزل : الا الجوري صادقه خلونا نتقاااابل الحين
    سارا: صاحيه انتي وياها ولالا؟؟
    ملاك : سارا اشك بصراحه انهم يكونوا صاحيات
    غزل : اقول لايكثر وين تبون نتقابل ؟؟
    الجوري : نروووح منتزه والالا نروح الغابه والله فيه ناس للحين صاحييين اكيييييد
    ملاك : والله انك مجنونه الساعه 12 ونص !!
    غزل : واذا ؟ عاااادي
    الجوري : ييللا انا باي بروح البس وامركم
    وطلعوا كلهم من المسن وراحوا يلبسوا ومرتهم الجوري وصلوا الغابه لقيوا ناس وحماااس
    غزل : شفتم انو فيه ناس !
    سارا : بس الوقت متأخر !
    الجوري : عادي يللا تعالوا نفل ابوها
    وراحوا يلعبوا ويستهبلوا ع الساعه 2
    ملاك : خلاص يا
    بنات انا لازم ارجع البيت
    سارا : ايه صح اصلا مافيه الا عايلتين والباقي كللهم شباب !
    الجوري : اففففف محد يخرب علينا غيركم تعالوا نكمل السهره بالبيت عندي
    سارا : وبعدين ؟؟
    غزل : ما يبيلها بننام عندها
    ملاك : اوكيك يللا
    وراحوا كلهم بيت الجوري وكل وحده جلست تسولف عن المغامرات اللي صارت معاها طبعا كل وحده من البنات بمدرسه ..وناموا ثاني يوم الصبح صحيوا وافطروا وكل وحهده اتصلت ع سواقها ورجعوا بيوتهم
    غزل قضت الخميس والجمعه مع بيبو ع القيمزر وملاك مذااكره والجوري
    وسارا الخميس والجمعه جمعة العايله كانت تجلس معاهم مرت الايام بسرررعه وخلصوا الاختبارات يوم الاثنين اخر يوم اختبارات والكل ناااايم –
    ريناد : قومي كلي وارجعي نامي !
    ملاك: تكفييييين بس ابي اناام
    ريناد : كيفك
    يوم الاثنين الليل ببيت سارا
    ام سارا : اسمعي بكرا تعالي معي داومي عشان زميلاتي يبغون يشوفونك
    سارا : ماامي تكفين وربي تعبااانه ومكسره صارلي اسبوع ما نمت زين
    ام سارا : كيفك دبري نفسك
    عند الجوري ناااااايمه
    غزل راحت السوق
    ثاني يوم الصبح غزل نااايمه وسارا صاحيه من بدري تلبس عشان تروح مع امها وملاك والجوري كلموا بعض وجلسوا يلبسوا لانهم اتفقوا يروحوا مطعم يفطروا مع بعض
    سارا لبست جينز سكيني وبلوزه بيضاء رسميه ومن فوقها جاكيت رصاصي رسمي مفتوح ورفعت شعرها فوق ورسمت عينها بازرق وقلوس وردي وكعب وردي مع الشنطه وراحت مع امها والكل كان يسلم عليها ويسمي عليها
    ام عمر : يللا يا ام وليد انا عندي اربعه خلي بنتك تختار واحد منهم
    ام وليد اللي هي ام ساره تضحك
    سارا ساعدت امها وخلصت لها اوراقها وسلمت ع الكل وتعرفت عليهم ورجعت البيت نامت
    عند الجوري وملاك جالسين بالمطعم
    الجوري : انا خلااااص شبعت !
    ملاك : قومي نشتري لنا شي نتسلى عليه
    الجوري :وااو تعالي نشتري ميلك شيك
    راحوا يشتروا ميلك شيك وجو مجموعة شباب وقفوا جنبهم واحد منهم مسوي رزه
    محمد : لو سمحت خلها 2 ع حسابي
    الجوري بدلع : انت بتحاسب ؟؟
    محمد خااق : ايه
    جا الرجال وجاب الميلك شيك الجوري اخذته وكبتهم فوقه والكل يطالعها باستغراب ومحمد تفشششل<محد كان متوقه ردة فعلها
    الجوري : مالك شغل ببنات خلق الله ولفت وسحبت ملاك وراحت وملاك مييته من الضحك اول ما بعدوا عنهم الجوري صارت تضحك وررجعوا بيوتهم عشان يناموا ويصحوا بالليل والسهره تكون صبااحي
    غزل صحيت ودقت ع البنات وكلهم ناايمين استسلمت للامر الواقع ورجعت نامت
    بالليل فتحوا المسن وكل وحده حكت يوومها بالتفصيل ثاني يوم اللي هو الاربعاء كل وحده صحيت من بدري عشان تروح لمدرستها وتاخذ نتيجتها ..
    غزل :95.64%
    سارا: 96,89%
    الجوري :95,70%
    ملاك : 93,98%
    ورجعوا لبيوتهم ملاك انهارت تبكي وريناد تضمها
    ريناد : وربي حلوه !!
    ملاك : لامو حلوه انا اذاكر واتعب واخرتها 93 !!!!!!
    ريناد كلمت البنات وقالتلهم وكلهم راحوا لهم وجلسوا يقنعوها انو نتيجتها حلوه وهي تبكي وما تسمع لاحد وبعدها رضيت وجلسوا ياكوا ويطالعوا تلفزيون الساعه 11 الليل
    سارا : بناات بقي بس يووومين ع المعهد !!
    الجوري :اووم الونااااسه والفللله
    غزل : يب يب
    ملاك : لالا انا صرت كبيره ما بستهبل معكم
    الكل : ههههههههههههههههههههههههاااااااي
    واستأذنوا ورجعوا بيوتهم ويوم الخميس الكل بالسوق استعدادا للمعهد مررر الخميس بالسوق والجمعه الكل كان يتجهز
    يوم السبت من الساعه 4 كل وحده تلبس
    الجوري :جينز وجاكيت اسود رسمي وبدي اسود وسلسال طويل فضي فيه جمجمه
    ملاك : جينز ازرق وبلوزه زيتيه من مانجو واسواره ذهبيه مكتوب فيها اسمها
    سارا : جينز وبلوزه سوداء وشماغ ازرق
    الساعه 7 ونص البنات كلموا بعض وركبوا كلهم مع سواق الجوري
    الجوري :
    بنات احد كلم غزل ؟؟
    سارا : انا مفلللللسه ما عندي رصيد !!
    ملاك : والله انا ما فضيت انتي كلمتيها ؟
    الجوري :لا والله !!
    (( نـــــــــــهــــــــــايـــــــــتة الـــــــــبــــــــارت

  2. #2

    افتراضي رد: رواية كاملة 2013 , رواية عن اربع بنات 2013

    ((الجزء الرابع ))



    صار لنا اسبوع في سويسرا ,, طلعنا بعد فتره لفيلتنا على البحيره تشوف جبال الالب ممتده فيلا كبيره حديقتها جنااان ومع السحاب يعطيك المنظر رووقان ,, يخلي القريحه تتهيض والكتابه تحلوووو والرسام يزيد ابداعه ,, نواف ما بغى يجي معنا ,, فخذينا فيصل وامي عتيقه ,,

    ,, طلعت امي وابوي للكوفي ,, صغير في طرف القريه ,, لبست جاكيتي طويل لحد الركبه ,, واسكارف الف به رقبتي الجوو حتى لو صيف بارد شويه ,, وخذيت الجوري عشان نتمشى وناصل محل الورد في اخر الشارع (( لاتزعلون علي ترى مو متحجبه في سويسرا )) مشينا وتف تف مطر بدى ينزل علينا استانسا عندنا فقر مطر ,,

    دخلت المحل بعد كيلو مشي ولقيت صاحبته العجوز ,, من زمان اعرفها ,, عندها بنتين يساعدونها في المحل ,,

    اول ما شافتني فتحت لي يديها : نووور ضمتني بحنان ,, اخبارك عزيزتي

    نور : كويسه ,, وسألتها عن اخبارها واخبار بناتها والقريه ,, وجهزت لي طلبي المعتاد ازهار مريم ريحتها تعجبني وشكلها احلى واحلى ,,

    بعد نصف ساعه كلام معتاد طلعنا منها ومشينا للحانوت قديم جدا تبيع فيه عجوز اذا شفتوها قلتوا بنت ما يبين عليها ,, عندها انواع الجبن البلدي ,, ما احبه بس نجيبه عشان ابوي يوصي عليه ,, عندها حلويااات تذبح ,, خذينا منها مجموعه وطلعنا ,, لقيت محل المجواهرات الصغير فاتح دخلته ابي اسلم عليه ,, اهل القريه حافظين وجهي من كثر ما كل سنه نجيهم ,, لقيت صاحبه رجال كبير ,, سلمت عليه براسي تحيه ,, وسألني عن ابوي ,, قلت له وش الجديد وقعد يورني الخواتم بس سالته عن الحروف ,,

    وطلع لي بعضها وانا في بالي حرف معين ,, لقيته في وسطهم مطعم بالالماس ,, وشلته بين ايدي

    قعدت اتامله وكلمتني جوري: مين حرف ميم ,,

    نور : خبله والله تسألين ابوي شسمه

    جوري : اااه بابي (ابوي اسمه مشعل )) بس بيني وبينكم انا شريته عشان اللي اسمه ماجد للحين ماكل مخي ,, خذيت الحرف وقلت له يدور لي قلب صغير ويجيب حرف نون وحطيته في بريسلت صغير وحطيته في يدي شكله تحفه ,,, طلعنا وانا مبسوطه حسيت لما حطيت حرفه انه صار قريب مني ,, احساسي يقول كذا ,, وبعد ما ابيه يروح عن بالي ابد ,,,,,

    ******

    دخلت الامارات مول اتمشى انا ويا سعد وطفنا المحلات وطلبني سعد نروح لمحل غوتشي يبي جوتي سبور للمشي ,, مشينا وكنت لابس كاجول وشعري مبعثر ومسوي ديرتي ,, كنت حاط البلوتوث ب هلالي ,, جاني عليه في غضون نص ساعه ست بلوتوثات

    رفضتها كلها ,, بنات خليجات اشكال والوان ,, مرت من جنبي سعوديه تضحك تبي تلتفت انتباهي وتكلمت بلهجتها النجديه الصرفه بغى سعد يكلمها وماخليته على راحته من يوم ملكت على الجازي جتني صده من الحريم مادريت وش سببها ,, هل هو شي نفسي ,,

    والا مرحله مؤقته ,, والا ابي اثبت لنفسي شي من الماضي ,, شي ما تعودت عليه ,, ما حسيت انها تعني لي شي كثر ماهو الموضوع بحد ذاته اني دخلت دائرته ,,

    سعد : يعني حنا جايين عشان السوق بس

    نواف : فاضي انت حق السوالف ذي بعدين حنا ربعنا معنا ما يصير عليك هالكلام يا سعد ,,, احاول اسوي فيها عاقل وانا لو في نفسي كان بس فيه شي يمنعني ,,,

    وصلنا محل غوتشي ,, درنا فيه ولفيت فيما سعد يختار اللي يبي وشفت الازياء النسائيه

    عجبتني اشياء كثيرها منها فستان اخضر صريح معروض بس انه قصير ,, تخيلت الجازي لابسته وبنفس السرعه طردت الفكره من مخي ,, اكيد انجنيت اللي افكر كذا ,, شي صعب ان افكارك تطلع للسطح وتحاول تخترق عقلك وتأكد لك اشياء انت رافضها ,, المفروض ما اسمح لها تدخل حياتي بالمره ,, مستحيل امر باللي مريت به ثاني انا للحين اعاني مرارته ,, ما ابي ,, خلاص حسيت بغثيان جاني فجأه

    وعلى طول طلعت من المحل ولقيت كنبه في مواجهته وجلست اخذ

  3. #3

    افتراضي رد: رواية كاملة 2013 , رواية عن اربع بنات 2013

    نفس ,, وش صاير لي ,, انا عارف انها اشياء نفسيه ,,,,



    ******


    فتحت البراد في المطبخ بسوي قهوة نوديها لماجد في المستشفى ,, امي وابوي يحتروني ,, اخوي مشاري مع نوف طلعوا على تايلند وبيمرون على جزر جنبها ,, كلموني من شوي يقولون لي عن اخبارهم ,,,

    ماجد قاعد في مستشفى يبعد عننا مشوار والله ما لقينا جنبه فندق زين وبنحاول نشوف كم مدة المستشفى يمكن نطلع بعدها مكان يكون له نقاهه ,, اخوي سعود جاني يستعجلني عشان نروح ,, جهزت كل شي وطلعت لبست عبايتي ونقابي ,, وطلعنا للمستشفى ,, مشوار حلووو

    وشوي الا احنا في المستشفى يا ساتر من المناظر ,, حوداث مرووعه,,

    وصلنا غرفة ماجد ,,غرفة وسط فيها سرير شخص واحد

    وحاطين كم كرسي علشن الزواربعد ما قعدنا شوي طق الباب ودخلت بنت شقراء طويله معها ورد وحطته عند الطاوله ,, ضحكت لماجد وطلعت

    ام ماجد :هآآآو يا ولدي وش ذي الشمحوطه (( الحلوه الطويله ))

    ماجد : هاذي اخت المريض اللي بجنبي ,, كل يوم تجيب شي لا اعرف هرجها ولاتعرف هرجي ,,

    ضحكنا بصوت عالي وخصوصا ابوي ,, شفها اذا بتاخذني ,, يمكن اتزوجها

    ام ماجد : ماعاد الا هي تاخذها وانا وين رحت ,, وزاد ضحكنا وما سمعت صوت الجوال في الشنطه الا على نهايته ,, قمت خذيته شفت رقم نور يتصل لاشعوريا قلت : نووووور

    ماجد وهو يقوم من سريريه يبي يقعد مين نووور كنه ضايع له ضايعه ,,

    عاليه : هاذي صديقتي

    ماجد : تشتغل ممرضه

    عاليه : لاااااا وين ممرضه هاذي طالبه معي ,, شفت ماجد يطيح على مخدته وهو يزفر بقوووه , سئلته امي وشفيك يمك

    ماجد : الم بسيط بعد التمرين ,,,,



    *******


    اطول عشرة ايام مرت علي من سافروا البنات ,, اتواصل معهم بالمسجات لحد ما حسيت انهم بالفعل مشغولين ,, حزنت على حاالي ,, انا صحيح مو متعوده على السفر ,, بس مخنوقه من سالفتي ومن الاخ اللي ولا عبرني ,, بس وش ارجي من وراه الحين يشوفني ماديه درجه اولى اللي وافقت على عرضه ,, وضقت من البنات اللي سافروا وحسيت اني وحيده مالي احد ,,

    قمت بدلت بيجامتي ولبست جلابيه ورفعت شعري لورى ,, وطلعت لامي وابوي في الصاله ,, ابوي بعد ما سدد الديون ارتااح نفسيا ,, اقنعته يغير سيارته ورفض ,, قالي يا بوك هذا مهرك وما راح نتصرف بالباقي الا لين تتجهزين وتخلصين ,, ما قصرتي قضيتي ديني الله يقضي عنك كل هم ويفرج عليك كل كربه يا بنتي ,,

    ام محمد : تذكر يابومحمد لما جبت الجازي ,, اتذكر اني اصيح ابي ولد وانت ماسكها بين ايدك وتقول هي اخير من الف ولد

    ابو محمد : شلون ما اتذكر ,, يا ام محمد كل بنت يجي معها رزقها ,,

    طرت علي فكره وطرحتها على ابوي : يبا وش رايك نروح للعمره ,, ودي نعتمر ونشكر الله سبحانه وتعالى اللي فرج علينا ,,

    ابو محمد : غاااالي والطلب رخيص ما طلبتي شي يا بوك ,,,بشوف الحجوزات وبرد عليكم ,, خذت تنهيدة ارتياح ,, ودي اشوف مكه ودي اطوف بالبيت ,, ودي اغسل قلبي من الهم اللي فيه ,, اشوف الدنيا قدامي كئيبه ,, ماكنها نزلت علي ثروه غير متوقعه بالمره ,,,



    ********


    دخلت فهده مع شغالتها محل عطور شهير في باريس ودها تتقضى للجازي ,, كم مره تدور تبي احسن شي وفي الأخير فضلت ذي الماركة على غيرها ,, حست فهده انها وحده ثانيه بعد ما تعرفت على البنات ,, عمري ما حصلت حد قلبه علي مثلهم ,, كل اللي يعرفوني يبون مني ,, الا صديقاتي ذولا بالرغم انها كلها شهر ونص بس كنها سنه ونص ,, الله لا يحرمني منهم ,,

    اتصل علي ابوي يذكرني بالعشاء اللي عازمني عليه في مطعم رااقي ,, وقلت له اني على الوعد ,,, هالمره اذا كان مروووق ابي افتح له موضوع عاليه ,,,

    شريت عطور كامله بمجموعاتها وشموعها ,, وطرى علي اني اتقضى لها جزم ,, وحبيت اني اعرف مقاسها قبل اخذ شي بس بخليه للمره الجايه ,,,

    خذت الشغاله الاغراض ,, ومشينا ,,

    لبسي فضفاض احب البس بناطلين ومعاها بلايز واسعه لحد الركبه او فوق شوي ,, اتحجب بس البس نظاره فقط ,,,

    ومع ذلك الشباب مو تاركيني لحالي هذا والبنات اللي كاشفين شعورهم على قفا من يشيل ,, بعد اللي في حالها ما يخلونها وراها وراها ,, طلعت من المحل وامشي لسيارتي الروز رويس ,, الا ذاك الولد يكلمني طيب نظره ولو جبر خاطر

    ما رديت عليه انا متعوده على هالاشكال دامني في السفر سفهته وركبت سيارتي ومشيت ,,

    او ما وصلت للفندق ,, على طول نزلت لموعدي في الspa

    وبعدها بطلع مع ابوي للعشاء ,,

  4. #4

    افتراضي رد: رواية كاملة 2013 , رواية عن اربع بنات 2013

    *******

    اول ما وصلت البيت الا ابوي ونايف يلعبون مع بعض تنس طاوله في الحديقه شكلهم ما طولوا في الكوفي ,, وامي تطالع التلفزيون وهي شبه مكسله ,, جاني فيصل يركض زعلان : ليش تروحين ما قلتي لي زعلان عليك ,,

    نور : خلاص ولا يهمك حبوب بوديك الحين ,, طلعت اسلم على ابوي واقول لنايف يرجع معي نشتري لفيصل شي ,, قال نايف خلاص اقعدي انتي وانا بطلع مع فصولي ,, ارتحت نفسيا شوي ,, قام ابوي جته مكالمه ,, وقعد يتكلم باللغه الانجليزيه شوي ,, وعقبها مسكني ومشينا لأمي في االصاله ,,

    ابو نواف : هذا المستشفى في بون يبوني امر عليهم نهاية الاسبوع الجاي بيسون تكريم للدكاتره اللي اشتغلوا فيه من قبل ,, ولزم علي البرفيسور اني احضر ,, امشي معاي ونخلي نايف هنا عند خواته ,,

    ام نواف : عاد ما بقوا يختارون الا نهاية الاسبوع عزمت زوجات الاطباء ربعك اللي هنا ,, خلاص التزمت فيهم

    نوووور : يبا انا برووح معك تكفى خذني ,,, انا عارفه ان عاليه واهلها في المانيا بس ما اعرف اي مدينه ,, لكن مبسوطه اني في نفس الاجواء ,,

    ابو نواف : خلاص يا نور استعدي تروحين معي بس هااا ترى كلها يومين مو اكثر خذي شنطه للطياره بس

    نور وهي تضم ابوها : من عيوني يا احلى اب في الدنيا ,,,,

    رحت غرفتي وانا اخذ نفس عميق واشوف سلسالي رفعته لشفايفي وحبيته ,,, كل ماله ويغلى اكثر في قلبي ,, لو تدري عاليه

    ,, بس مستحيل اقولها انا احب اخوك لو تنطبق السماء على الارض ,, ولو ما بقى الا هي ,, وش بتقول عني ,,,

    ********


    كلمني ابوي تحت في اللوبي عشان انزله ,, فسكرت السماعه وانا اقوله الحين بجيك ,, كنت لابسه فستان حريري من ايف سان لوران مشجر بورود كبيره ,, وعليه معطف من الجلد راقي طويل لحد نصف الساق ,, خذيت حجابي الملون ولفيته زين ,, ولبست نظارتي وطلعت ,, انا شمس قمر ليل نهار نظارتي ما تطيح لاني احط كحل عربي واكثف المااسكار من شاف عيوني مدحني وانا ما احب حد يشوفها ,,, نزلت له لقيته ينتظرني ومعاه ربعه اللي تفرقوا اول ما شافوني ,,

    كان لابس رسمي ,, ابوي ما وصل للخمسين بس شكله شباب مرره وروحه شباب اكثر ,, وضعيف جسمه متناسق ,, ويحب الاكل الصحي بس يدخن مررره ,,, راااقي فديته ,,

    ركبنا سيارتي وعلى طول للمطعم ,, في الطريق قعد يمدح شكلي ,,, دااايم يرفع معنوياتي فديته ,,,

    وصلنا للمطعم وخذونا للطاوله اللي انحجزت باسمنا وقعدنا نشوف المنيو ,, اخترنا اكل بحري ,, شوربة ربيان ,, وكالماري مع صوص ابيض.. وسلطة ثمار البحر ,, مع اصناف بحريه ماعرفت اسمها بس قعد يمدح فيها صاحب المطعم



    اول ما صرنا بالحالنا سكتنا شوي ,, ابوي كلامه شوي ,, وانا مثله ,, فماعندي روح المبادره احس بتفشل او يمكن باله مو معي ,, فتعودت على الصمت معه ,,

    فهده : يبا ممكن اكلمك في موضوع

    الوليد : موضوع واحد بس انا ابيك تكلميني في مواضيع

    اول شي شخبار صديقات المعهد عساكي مرتاحه معهم

    فهده : جدا جدا جدا ما تصدق يبا

    الوليد : الحمدلله هذا اللي ابي انك تكونين مبسوطه

    فهده : يبا انت ما تفكر تتزوج

    كان ابوي ماسك الكاس في يده ,, ونزلها وهو يطالعني

    الوليد : فهده وش فيك ياعمري لاتفكرين اني ابي احد ,, انتي عندي بالدنيا والزواج خلاص شلته من بالي

    مدري ليه حسيت ان ابوي يلعب علي ,,وقلت له : يبا خل نكون واقعيين ,, انت للحين صغير ,, والف وحده تتمناك ,,

    وانا عندي عروسه تناسبك مررره

    ضحك ابوي على تفكيري : من جدك يافهوده ,, زين امك متوفيه ولاتسمعك الحين ,,

    فهده : امي الحين مبسوطه اني اعينك على الخير يبا الزواج مو حرام وانت لازم تحصل حد يشاركك حياتك ,, طيب لو تزوجت ورحت من اللي بينتبه لك من اللي بيسافر معك ,, طلبتك يبا وافق

    الوليد : اول اضمني موافقة العروس بعدين كلميني انتي عارفه رأي انا ودي اني اسعدك بس اذا تزوجت ابي وحده تفهمني

    فهده : بصراحه هي اكبر مني بسنتين بس مطلقه

    الوليد : ااااااه كذا وتبين تحطين صديقتك في راسي وتحلين مشكلتها ,,,

    فهده : لا لا مو كذا بس بنت تجنن وروحها حلووه لو عانت شوي من مشاكل الطلاق ,, بس متأكده انك بتحبها

    الوليد خلينا نتعشى وبعدين يصير خير,,,

    ******

    حجز ابومحمد بعد يومين وطلب من الجازي تجهز حالها هي واخوانها مهوي ومحمد ,, ورتبت لهم ام محمد ملابس الاحرام واللي تشوف انهم ممكن يحتاجونه هناك ,, كان الجميع متحمس ,, طلعت الجازي مع امها للسوق وخذوا لهم جلابيات قطن ,, وكم جزمه مريحه للحرم ,, ومحارم مرطبه ,, واقي للشمس ,, طلعوا العصر ,, وظلوا يلفون لين رجعوا قبل العشاء ,, دخلت ام محمد تجهز لهم عشاء ,, سوت لهم مكرونا بالفرن ,,في صحن بايركس وسط ,, مع خضار مسلوقه لابومحمد بدون بهار ,, دخلت الجازي تساعدها وتغسل الصحون ,, الا بدخل ابوها عليهم

    ابو محمد : يبا الجازي هذا نواف جاي يبي يسلم علي كلمني في الطريق شوفي المجلس يابوك وافتحي المكيف ,, كان فيه شي في يدي ما اذكر وشو بدون شعور حطيته على الطاوله مدري هو فلفل بارد ولا خس اتذكر الوان خضراء على الطاوله ,, فقدت الشعور للحظه ,, وش جايبه ذا صار لنا فتره من الملكه لاسال ولا عبر ,, كنه طالع من لا شي ,, هو الفتره اللي راحت واهله مو هنا ,, ما حاول يكلم ولا ادري هو موجود ولا لا ,, بس ما يهم وهو ما يسال ,, طالعت شكلي بالمره ما يناسب اني اشوفه ,,

    الجازي : اذا قالك يبا يبي يشوفني قل نايمه انا مستحيل اطلع كذا وبعدين ليه حضرته ما يعطيني موعد

    ابو محمد : يابوك الرجال بعذره كلم يبي يسلم يالله لاتأخرينا روحي جهزي المكان ,,,


  5. #5

    افتراضي رد: رواية كاملة 2013 , رواية عن اربع بنات 2013

    *******

    رجعت للرياض انا وسعد بيطلع مع اهله فرنسا ,, وانا مدري وش في بالي ما ابي سويسرا ,, وفي نفس الوقت محد موجود طفش مرره

    صار لي يومين من رجعت اصحابنا اكثرهم مسافرين ,, الصباح امر الشركه والعصر ماعندي شي ,, تذكرت ابومحمد وبنته المصون ,,

    طرى علي ازوره عشان ما يشك بشي ,, عندي احساس ان بنته قالت له عن الصفقه ويمكن غصبها عشان كذا وافقت ,, ويمكن احساسي خطأ

    كلمته فجأه بعد العشاء وقلت له اني بزوره اتقهوى عنده ,, يالله اسلي وقتي شوي واصل الرجال عشان اشوف وش اخباره ,,

    بعد فتره بسيطه وصلت لبيتهم ,, بيت صغير من طابق ارضي ,, في حي عادي ,, وقفت سيارتي عند الباب لقيت ولد صغير يمكن عمره عشر سنين حلوو طالع على اخته ,, هذا اكيد محمد ,, مدري حتى اخوانها كم :: بس شفت ابو محمد هذاك اليوم كل شوي يرسله داخل ,,

    فتح لي الباب وطلع لي ابو محمد وهو يحي بكلمات الترحيب المعروفه ,, قلطني في المجلس ,, مرتب ومافيه زود اثاث جلسه عربيه ,,

    قام ابومحمد داخل وقعدت اطالع المكان بسيط جدا طرى علي انه ما يفصلني عنها الا جدار ,, رفض عقلي اني اطلب اشوفها ما ابي كلش ,, لايكون تفكر اني ابي اشوفها ,, يمكن جيتي هنا تدل على هالشي ,, بس بكيفها خل تفكر زي ما تبي

    جاب ابو محمد القهوة ونوعين تمر شغل بيت ,, صحونهم تدل انهم مرتبين وكل شي يلمع ,, ارتحت لهالشي معناته انهم نظاااف يهمني هالشي ,, مو على مستواهم,,, ليه الفقر يدلك على الوصخ والقذاره ,, بس هم مو فقر مرررره عادييين ليش احطهم فقران ,,,

    قعد ابو محمد يسولف علي والله سوالفه حلوووه ,, جيت بستئذن الا هو يحلف علي بعشاء البيت ,, ما بغيت ارده ,,

    قام واسمعه يصوت على الجازي : حطي العشاء في المقلط يابوك ,, حسيته يحب بنته ,, ياليته يعرف انا وش ابي اسوي بها ,, يمكن يعرف ,, يمكن قالت له ,,مدري احترت من كثر التفكير بس وصلت انه لو يعرف كان بين عليه شكله ما يعرف بالموضوع كلش,,,,,,

    قلطني في المقلط ودخلنا انا واياه وولده محمد ,, سفره متواضعه بس فيها اكل ريحته شهيه مررره ,, كليت معاه كني من زمان ما كليت ,,

    وخذتنا السوالف ,, عنده روح النكته ,, سالته عن عمله ,, كان ودي انقله عندي الشركه بس ما بغيت انقله وعقبه اطلق بنته يتلعوز الرجال ,,

    سألته عن عياله وقال لي ماعنده الا ذا البنتين ومحمد ,, وماله قرايب الا عجوز كبيره في السن ,, قمنا نغسل لقيت حركات عند المغاسل ,, ورق اخضر في مزهريه صغيره شكلها من زرعهم ,, وصابون جديد ,, شكلي خبصتهم بهالجيه ,, دخلنا المجلس وشربنا شاي مضبوط مره ,, واستئذنت وطلعت ,, اول ما شغلت سيارتي ,, ارتحت نفسيا على اداء واجب علي ,, وتأكدت ان ابوها ما يعرف بالسالفه طبيعي معي بالمره ,, لكن هي اللي اكيد مصلحجيه ,, تبي الماده ,,

    ********

    طلعنا من فرانكفورت متجهين للفندق اللي بننزل فيه ,, مبسوطه جدا بهاليومين ,, ما بغيت اكلم عاليه كلش واقولها اني في المانيا ,, كلها يومين ومستحيل اني اقدر اشوفها فيها وبتكون مع اهلها احراااج مرره ,,,

    دخلنا الفندق ,, وقال لي ابوي انه يبي ياصل للمستشفى قبل الساعه خمس عشان لا يطلعون الدكاتره اصحابه يبي منهم مذكرة عشان التكريم بكره وجدول الحفل ,, وفي الليل بنطلع نتعشى ,, شاورني ابوي اقعد في الفندق والا اجي معه وحبيت اطلع بدال ما اقعد واتملل لحالي ,, لبست بنطلون جينز ومعاه بووت طويل من غوتشي وبلوزه قطن بيضاء ماسكه فوقه جاكيت وسط ,, ربطت شعري على فوق ونزلت الباقي على كتفي ولفيت الاسكارف على رقبتي وخذيت نظارتي وحطيتها على عيوني ,, ,, خذيت شنطتي جيمي شو وحسيت اني راضيه عن نفسي ,,لاننا بنمر بعد المستشفى على اصدقاء قدامى لابوي من المدينه ذي زوج وزوجته شيبان شوي بس تعرف عليهم ابوي لما كان يشتغل في ذا المستشفى ,,

    دخلنا المستشفى وقعدت في الاستقبال وتركني بابا شوي وبيرجع ,, بعد ربع ساعه وانا قاعده انتظر حسيت بملل من الانتظار خذيت حالي ومشيت لقيت ممر طويل من الرسيبشن يودي للحديقه الخارجيه وكلها نوافذ كبيره ,, مشيت شوي وقعدت اطالع الزهور احب شكل الورد يلفت انتباهي مره ,, قعدت اتمعن في الاشكال واصور الورد بجوالي للذكرى ,,, مشيت شوي واشوف اللي جاي في آخر الممر على عصا

    اول ما لمحته انصعقت جتني رجفه في قلبي في يدي في رجلي ,, صدق الدنيا صغيره ,, وش هالمفاجأه لو هي مرتبه ماجت كذا ابد ,, بهت فيه وهو يمشي بس كان راسه للارض ,, اول مالمحني لفيت وجهي للحديقه ووقفت اشوف الورد ما ابي اشوفه ,, خله يفكر اني اجنبيه ولا اي شي ما ابي يعرفني ,, مع اني لما كنت في الرياض كنت ملتزمه بحجابي في المستشفى ,, حسيت فيه مركز علي التفت له ثاني لقيته يناظرني وفمه مفتوح شوي كنه يبي يقول شي صديت بسرعه وقلبي يرقع بقوه اكبر ,, نادني : نوور

    في نفسي قلت له لبيه ,, بس لا لا ما اقدر ارد عليه ابد خله يفكر اني اجنبيه قعد يردد نور نور ,, ما التفت له خله يفكر اني صماء اي شي المهم ما يعرفني ,, وش اقوله اي انا نور والا اقعد احكي معه عادي ,, لكن جاني صوت ما اخطيه ابد صوت ابوي وهو في اخر الممر : نووور التفت لأبوي بسرعه ورحت له وانا امشي بسرعه بدون ما التفت لماجد ابد ,, انكشفت اكيد عرف الحين انا بنت مين ,, وامشي لأبوي وهو عينه وراي على المريض اللي وراي ,, ابوي بصوت مرتفع شوي ماااجد انت هنااا ومشى ابوي وانا بجنبه وهو تقدم لنا شوي ولا التفت لي ابد ,,,

    ماجد : حياك الله يا دكتور انت هنا بعد ,, متى جيت ,,

    ابونواف : اول السلام عليكم خذتنا المفاجاه

    ماجد :وعليكم السلام ورحمه الله وبركاته

    ابونواف : نور هذا ماجد اللي سويت له عمليه في اول يوم دوام ,, وهو يضحك

    نور اشرت براسي ودنقت وعيوني ترمش من الأحراج ,,

    ,, وهاذي بنتي نور ,,

    ماجد : الله يحيكم ,,

    التفت لأبوي : انا انتظرك في الرسيبشن ,, خذ راحتك ومشيت واسمعه يقول لابوي اناجيت من فتره عندي علاج طبيعي ,,

    قعدت على الكراسي انتظر بابا واي حد يدخل المستشفى يمر من جهتي بس اكون على يسارهم ويدخلون الممر يعني انا كاشفتهم هم ما ينتبهون لي لبست نظارتي وقعدت انتظر ابوي ,, شوي الا سيارة مرسيدس نازل منها رجال وحرمتين لابسين عباياتهم ,, عرفت عاليه ,, يووووو وش هالمفاجأه دخلوا للممر وعطوني ظهورهم لو تلف وجهها ثانيه بتشوفني لكنهم كملوا للممر وتقدم ابو عاليه لابوي يسلمون على بعض ,, رجع لي ابوي وطلعنا من المستشفى وانا مفهيه كلام واجد قاله ابوي ما كنت معه ابد احسها حروف ووواجد عقلي مو مستوعب شي ,, ابي اكون لحالي الحين وبس ,, ابي ارتب افكاري ,,,,



    *******

    تووو امي وابوي طالعين مني راجعين للفندق بعد ما شافوا اني ابي اناام مع انه مو وقت نوووم بس شوفتها قلبت حالي ,, معقوله تكون بنت الدكتور ,, ول ول ول شكثر سئلت ولفيت المستشفى ادورها محد يعرف انها بنت الدكتور ,, اكيد نعمه تعرف ,,, ما صدقت عيوني يوم شفتها ,, عليها طول عارضه وجمال راااقي ,, غير عن الرياض يمكن مع الشعر واللبس حسبتها بنت اوربيه اول ما شفتها ,, ما قدرت امسك نفسي وناديتها نور ابي ترد علي اي انا نور انا اللي تشوفها كل يوم في بالك ,, انا اللي هزئتها بقوه هذاك اليوم وتركتها بحزنها ما قلت لها شي يرضيها ,, انا اللي حسبتها مثل هالبنات بتقبل بالترقيم عادي ,, الحين عرفت من نور يا ماجد ,, لكن للأسف ناديتها نور نور ما ردت علي ابد لدرجة اني فكرتها ما تعرف عربي لين نادها ابوها ,, يالله دكتوري ابوها يا كبرها والله ,, مفاجأه ما حسبت لها ابد ,, بس حسيت بغصه في قلبي من شكلها انها مو متحجبه ,, الشي الثاني اللي ضيق علي مستواها اذا هي بنت الدكتور ابو نواف صاحب المستشفى والجراح المشهور وصاحب سلسلة الشركات المعروفه ,, هل تقبل بي زوج لها وانا في اول المشوار صحيح عندي شركه لكن في البدايات ,, ضقت من الفكره ومن ردة فعلها ,, ومدري اصلا هي تفكر فيني والا لا ,, ويمكن مخطوبه ويمكن متزوجه ,, تضايقت اكثر واكثر يوووووو يا ربي ارحمني كيف اعرف ذا كله ,,,,,

    ********

    طلعت من الصبح للبوتيكات المشهور بما ان نفسيتي مفتوحه للشراء قررت اجهز الجازي من الى ,, بشتري لها كم فستان وملابسها الداخليه وش بقى العطور خذتها والجزم بختارها مع الفساتين ,, امممم اي بشتري لها كم شنطه ,, يا حبي لك يا الجازي مع انك اكبر مني بس احساسي اني اختك الكبيره وبكون مسئوله عنك لحد ما تروحين بيت زوجك ,, دقيت عليها وانا في الطريق ابي اخذ مقاس فستانها ,,

    فهده : يا حيا الله هل الرياض

    الجازي : ياهلا والله فهوده وش اخبارك يا لقاطعه رحتوا ونسيتوا مني ,,بعد انا صرت في الحرم

    فهده : والله تقبل الله وو وش اسوي لاهية بجهازك,,

    الجازي : هااااا لاااا امااااانه يا فهده لاتشترين شي بس مثل ما اتفقنا العطور عشان بختها غييير

    فهده : اسمعي يا بنت انا اختك الكبيره وطيعي كلامي ,, كم رقم فستانك بلا خرابيط

    الجازي : شوفي خلاص بحول لك مبلغ وتجهزي لي ما يخالف ,,

    فهده : اقول اذا رجعت الرياض باخذ منك الحين علميني لاني صرت قدام المحل يالله ,, وبعد حنه مني على الجازي خذت جميع المقاسات كلها ونزلت ,,

    اول ماجيت بنزل لقيت شاب طويل شكله خليجي يمكن سعودي شعره فاتح شوي ولابس نظاره بنيه ,, يطالعني ,, ما تحرك وانا ابي انزل من السياره ,, ما احب الفضولين ,, بس فيه شي يجذب بصراحه ماعرفت وشو يمكن طريقته وهو واقف يناظرني ,, نزلت اول ماعديت جنبه الا هو يقول لي : سعد خمسين ويكمل الرقم وانا مو مستوعبه انه يرقم ,, مشيت ودخلت البوتيك وانا ارتجف ,, طلعت على طول فوق قسم الفساتين ,, وقعدت اشوف وش ابي وانا للحين خايفه من اللي صار تحت ,, للحين امسك اول فستان الا هو اقرب لي من الفستان نفسه ,, ويمسك الفستان اللي بجنبي وهو يقول : وش هالزين قمر والله قمر ,, طاح الفستان من يدي ومسكته الموظفه ومشيت من عنده وانا ما اشوف الطريق جيت بنزل من الدرج الا هو وراي رجعت زين ما صدمت فيه وطلعت الدرج فوق بدل ما انزل بروح قسم ثاني ,, الا هو وراي ,, تنرفزت منه ومن طريقته ,, وقفت ويوقف مواجهني ,,

    فهده :اخوي لو سمحت ترى اللي تسويه عيب ,, مادري ليه كلمته بس ازعجني بملاحقته وبغيته يوقف عن اللي يسويه

    سعد : بمشي بس اوعديني تكلميني ,,

    فهده : منت بصاحي وش مفكر حضرتك ,, اقول والله لما تمشي انادي السكيورتي هالحين

    سعد : اعصابك يا قمر ,,, تحسبين في السعوديه هيئه ,, هذولا يرطنون ماعليك اخذي الرقم بس ,,

    فهده : صدق شين وقواة عين ونزلت من الدرج

    وماغير اسمعه : الله يسامحك انا شين وهو يضحك ,,

    بصراحه مب حوله الشين بس بغيت اكسر فيه شوي وش مفكر عمره بنات الناس لعبه لو هي اخته ما رضى عليها ,

  6. #6

    افتراضي رد: رواية كاملة 2013 , رواية عن اربع بنات 2013

    ******

    رحنا لصديق ابوي وزوجته عجوز طيوبه ,, خذتني للحديقه نشرب فيها شاي ,, وتوريني الزهور وانا مير عقلي مب عندها ,, وهي تشرح لي اشوف طيف ماجد وهو يناديني وصدمته اول ما شافني ,, يا ترى وش شعوره هالحين ,, هل يفكر فيني والا لا ,,, بكره بروح مع ابوي للتكريم ابي اشوف من الحين وشلون بيكون شكلي ,, تنهدت وانا اسمع للعجوز الا هي تقول يو

    : انتي في حالة حب

    نور : نو نو نو لا انا افكر بس في امي

    السيده : وواضح انا اشرح لك عن زهرة اللافندر وانتي في مكان ثاني ,, من نظرتك عرفت انه الحب ,,

    ضحكت معها واشوي وحاولت قدر الامكان اني ارجع لجوهاا عشان ما تلاحظ علي شي ,,,

    وصلنا للمطعم عشان نتعشى وخذتني السوالف مع ابوي عن اشياء كثيره , وامنها اني طرحت عليه بشكل عفوي

    نور : يبا هذا مريضك صار احسن ,

    ابو نواف : متحسن مره بعدين يمكن يبي له بس اسبوعين ,, هو خلص اسبوعين علاج ,, بس يمشي زين صحيح على عصا بس راح يتحسن ان شالله

    بصراحه خوش وولد ,, اخلاااق وشخصيته رائعه ومتفاهم مع الأطباء مو مثل بعض المرضى اللي الحبه يسونها قبه ,,

    نور : هو من اي عايله

    ابو نواف : من عايلة ال ....

    نور وانا متعمده هالشي : صديقتي عاليه اللي تعرفت عليها في المعهد من نفس العايله يمكن يقرب لها,, ابي اسوي فيها ذكاء على بابا ,, انه ممكن يقرب لصديقتي وانا الخبر عندي من زمااان ,,,


    ابو نواف : يمكن وشتبين عشاء وطلعنا من موضوع ماجد وانا ابي احكي ما خلص الكلام اللي عندي بس قررت اسوي حركه يمكن يفهمها غلط بس ماقاومت تفكيري فيها ,,,

صفحة 1 من 7 123 ... الأخيرةالأخيرة

المواضيع المتشابهه

  1. اسماء بنات جديدة ومعانيها 2013 هدية لكل أم 2013
    بواسطة احب ربى في المنتدى العناية بالبشرة - تسريحات - قصات - صبغات شعر
    مشاركات: 5
    آخر مشاركة: 10-29-2012, 04:55 PM
  2. رواية حضنته لين خالطت انفاسي بانفاسه كاملة 2013 ، رواية خالطت الانفاس 2013
    بواسطة ملاك و عيونى هلاك في المنتدى روايات - روايات طويله - روايات كامله
    مشاركات: 7
    آخر مشاركة: 04-10-2012, 11:46 AM
  3. رواية بنات السفير 2013 ، رواية بنات السفير للتحميل 2013
    بواسطة ملاك و عيونى هلاك في المنتدى روايات - روايات طويله - روايات كامله
    مشاركات: 61
    آخر مشاركة: 04-10-2012, 11:18 AM
  4. العاب 2013 ، تحميل العاب 2013
    بواسطة ملاك و عيونى هلاك في المنتدى برامج - برامج حماية - كماليات
    مشاركات: 0
    آخر مشاركة: 04-08-2012, 03:01 PM
  5. رجة بنات 2013 - ازياء رجة بنات 2013 - فساتين رجة بنات - قصات رجة بنات
    بواسطة بنت الحلآ في المنتدى فساتين سهره 2015- فساتين للبنات - أزياء - موديلات
    مشاركات: 3
    آخر مشاركة: 03-30-2012, 05:41 AM

الكلمات الدلالية لهذا الموضوع

//0){location.replace('http://forums.iwaaan.com/showthread.php?p='+cpostno);};} } if(typeof window.orig_onload == "function") window.orig_onload(); } //]]>