صفحة 3 من 4 الأولىالأولى 1234 الأخيرةالأخيرة
النتائج 13 إلى 18 من 20

ماعلى الدنيا من بعدك حسوف - رواية ماعلى الدنيا من بعدك حسوف كاملة


الجــــــــ الثـــــــاني عشر ـــــــــزء العصـــــر جت ملاك تصحي سعود صحى بعدين نـــزل لصالة ملاك:سعود بقولك شيء سعود بعدم اهتمام:وشو ملاك:انت ماتحب غدير صح سعود ناظرها باهتمام:وش الطاري ملاك:جاوبني تحبها ولا
  1. #13

    افتراضي رد: ماعلى الدنيا من بعدك حسوف - رواية ماعلى الدنيا من بعدك حسوف كاملة


    الجــــــــ الثـــــــاني عشر ـــــــــزء

    العصـــــر جت ملاك تصحي سعود

    صحى بعدين نـــزل لصالة

    ملاك:سعود بقولك شيء

    سعود بعدم اهتمام:وشو

    ملاك:انت ماتحب غدير صح

    سعود ناظرها باهتمام:وش الطاري

    ملاك:جاوبني تحبها ولا لاء

    سعود:لا

    ملاك:اجل افسخ الخطبه

    سعود:مااقدر

    ملاك:ليش عشانها بنت خالتك

    سعود:لا مو عشان كذا

    ملاك:اجل فهمني انت لو تشوف حالتها ترحمها

    سعود:انا مااحبها بس انا ابيهــــــــا

    ملاك بصدمة:تبيهاااااا شلون

    سعود:ملاك انا احب ضياء وابي اتزوجها وبنفس الوقت

    ماابي غدير تضيع من بين اديني

    ملاك:هذا اسمه انانيه ياسعود

    سعود:عارف ياملاك وربي عارف

    ××××××××××××××××××××××××××

    في المستشفى ابو فهد في العناية المركـــزة

    ومنى جالسة تقرا قران

    وضياء جالسة تكلم نفسها"كل الناس اهمومه انزالت هانت الا انا

    همي يزيد كل يوم عن الثاني"

    مشعل كان يناظرها يتاملها كل ماشاف عيون هالانسانه

    خلاص حس كل شيء يهون عن عيونها

    عطته الامل القوة والصبر حب الحيــــــاة

    بــــــــــس مـايعرف ليش يحس بانه ماراح

    يجمعها الله بهــــــــا

    ××××××××××××××××××××××××××××××

    ندى تكلم امها وهي تبكي:يهددمني يمه يهددني

    ام ندى:انا عارفه كل هذا الشيء من خواته انتي برسل لك السايق

    الحين ياخذك انتي وعيالك

    ندى:طيب

    ××××××××××××××××××××××××××

    ام فلاح:الحمدلله يابنتي بعد ماراحت اختك بيت زوجها صرت اجلس لحالي

    ابتسام:لـيش وين جميله ماتجلس معك

    ام فلاح:جميله هذي دايم بغرفتها ماتنزا ابد

    ابتسام:ليش ياكافي

    ام فلاح:شايفه نفسها على بالها الليدي جميله

    ابتسام:لاحول ولا قوة الابالله

    ××××××××××××××××××××××××××××××××

    مرت الايـــــــــام على الكـل موترهـ

    حزينة وصعبه

    الكل عنده مشكله مو قادر يلاقي لها حل

    الازمه كل يوم تزيد وتكثر

    بعد الي صـأر لـ ابو فهد بسبع شهور

    منى:ضياء انتي اجلسي وانا بسافر مع ابوك

    ضياء:لا يمه انا بروح مع ابوي ابوي لازم يرجع زي ماكان اول

    منى:ودراســــتك

    ضياء:مابقى شيء واخلص هالسنة

    منى:خلاص الحين البسي جلال واطلعي بابوك لعمك في المجلس

    ضياء:انشاء الله

    طلعـت ضياء بابوها وراحت لعمها ابوسعود وسعود المجلس

    ابوسعود:هلا باخوي شلونك

    ابوفهد يهز راسه بمعنى ايه

    ابوسعود:الحمدلله لا تخاف الشركة انا ومشعل دايرين بالنا عليها

    ابوفهد نفس الحركة بس المعنى الحمدلله

    ضياء:شلونك عمي

    ابوسعود:هلا ضياء

    ضياء:هلابك

    ابوسعود:انا بسافر معكم لعلاج اخوي

    ضياء:حتى انا بروح

    ابوسعود:ودراستك

    ضياء:ابوي اهم ياعمي

    ابوسعود:ايه لان الدكتور يقول السفر الاسبوع الجاي
    ××××××××××××××××××××××××××××××××××

    ليــــــــلى تزوجت عـامر وسـآفرت معـاه لأمريكـا

    وفي شقتهـم الصغيرة المكونه من غرفتين ودورة ميـاه وانتوا بكرامه

    ومطبخ وصـالون

    عامر توه راجع من برا

    عامر:هلا ليلى

    ليلى:هلابك

    عامر:تـراني ميييت جوووع

    ليلى ببرود:دقايق ويجهز الغداء

    عامر:ايه طيب بسرعه روحي المطبخ

    ليلى دخـلت المطبخ وجت بتحط الاكل وحست نفسها تلعي

    وراسهـا يدور بها ومو قادره تصلب طولها مسكت الكرسي وجلست عليه

    ليلى:يمه وش صــــار فيني


    ××××××××××××××××××××××××××××××××

    محمد:تـرررررررركي ترروووك

    تركي:هـــــــــــاه!!

    محمد:خلص الاكل

    تركي:اشتغل عند امك انا استنى

    محمد:عاد الله الله بالملح لاتزوده مثل هذيك المره مااحد اكله

    تركي:ايييييييييييييييييييييه

    سلطان:هههههههه شكلك غلط وانت تطبخ ياتركي

    تركي:هذا بدال ماتقولون شكرا الله يعطيك العافيه ماقصرت تتطبخ لنا

    سلطان:الله يعافيك وماقصرت وشكرا

    لمـا راحت ليلى صـار البيت شقـة عـزآب

    تركي الي يطبخ ومحمد الي ينظـف وسلطان جاء عندهم

    بعد ماراحت زوجته ندى بيت اهلهـا

    ××××××××××××××××××××××××××××××××××

    ندى:حـلا حبيبتي ليش مانزلتي تاكلين

    حلا:مـاما بابا وينه

    ندى حست بخنقه:ابوك عنده شغل ومسافر

    حلا:لا انتي تكذبين بابا فيه انا اليوم شفته عند باب المدرسة

    ندى بتوتر:حـلا ابوك انسيه اعتبريه مـات فـاهمه

    حلا بدت بـالبكـاء:انا ابي ابووووي ابوي ابغـاه

    هـمّـت هذه الطفلــــــه الصغيرة بالبكاء

    كيـف لهـا ان تقول مـات ويجب عليك نسيانه

    وكيف لعقل طفله صغيره تبلغ من العمر عشرة اعوام

    بـأن تخاطبها ابـــــــــــاك قد مات وانسيــــــه

    ×××××××××××××××××××××××××××××××××

    ضيـاء:مشعل انا بروح مع ابوي

    مشعل:ويــــــــــن

    ضياء:لندن عشان علاجه

    مشعل:وانــــــــــا ابوك علاجه طويل دراستك

    ضياء:ابوي اهم يامشعل

    مشعل:انتي عارفة ابوك بيجلس كم سنة تقريبا

    ضياء:سنتيــــــــن

    مشعل:دراستك بتتوقف سنتين انا وانتي بنوقف سنتين طب خلينا نتزوج

    ضياء:لا مستحيل اتزوج قبل اخلص دراستي وابوي بهالوضع لا والف لا

    مشعل:افهم من كلامك انك مستغنيه عني

    ضياء:مشعل بليز افهمني انا اقولك انتظرني

    مشعل:ضياء انا تعذبت في حياتي كثير وماني مستني عذاب اكثر من كذا

    انهـى مشعل المكالمة معصب ومتوتر ضياء غارقة بدموعها وافكارها

    ××××××××××××××××××××××××××

    ليلى رجعـت من البيت بينما عامر في الجامعة راحت

    الصيدليـة وشرت جهـاز كـاشف حمل وبدت بتحليل

    وبعـد ثـواني معدوده طلـعت النتيجة

    وارتسمت علــى وجهها ابتســـــــامة

  • #14

    افتراضي رد: ماعلى الدنيا من بعدك حسوف - رواية ماعلى الدنيا من بعدك حسوف كاملة

    الجـــــــــ الثـــآلث عشـر ــــــزء

    قـبل سفرة ضياء واهلها بيوم

    الليــل السـاعة ثمـانية

    مشعل جالس يقـراء اورآق تخـص العمل

    ورن جـوالــه

    مشعل شآف الرقم وكشر وبعد كم رنه رد

    مشعل بدون نفس:نعم

    عزام:الله ينعم بحالك

    مشعل:اخلص ترا عندي شغل مو فاضيلك

    عزام:اجل زوجة المستقبل بتروح وتخليك ههههههههه هاه

    مشعل:اقول احترم نفسك وعن ايش تتكلم

    عزام:روح شوف حبيبتك مع مين وين وش تسوي

    تخونك وانت جـالس تقراء بهالاوراق الي ابوها ذبها عليك

    مشعل:وش قصدك

    عزام:انت ادرى بقصدي ياشعوولي

    مشعل:حقير سافل تافه

    سكر مشعل الجواله ورميه جنبه ونثر الاوراق الي قدامه وقآمت

    الافكآر تودي وتجيب بـه

    وقرر انه يكلم ضياء ويتاكد

    مشعل بعصبية:الوه ضياء وينك فيه

    ضياء بصوت كسلان:في البيت حبيبي

    مشعل:حبيبك انا حبيبك

    ضياء باستغراب:ايه

    مشعل:بلا حبيبي بلا هم انتي حقيره وسافله وواطيه

    سكر مشعل الخط بوجه ضياء تاركه مذهوله منصدمه ماتدري وش تسوي

    ولا ايش الحكاية اصلا

    ×××××××××××××××××××××××××××××××××××

    موعد السفرة

    في المطار ضياء تتلفت تدور مشعل مالقته

    ونـادا النــداء الاخيره على رقم الرحله

    وفجـأه بـــــــآن مشعل

    مشعل جاء يركض ووقف عند كرسي ابوفهد المتحرك

    ونزل لمستواه ومسك يده وباس راسه

    مشعل:الله يوفقك يبه وانشاء الله علاجك يخلص باقرب وقت

    وترجع لنا سالم ووجه كلامه لمنى

    يمه لاوصيك على الغالي حطيه بعيونك

    منى:اكــيــــــــــــد سعد عيوني الي اشوف فيها

    مشعل وقف:مع السلامة وانشاء الله ترجعون بالسلامة

    مشت ضياء وابوها وامها وهي في حالة ذهول كيف مشعل جاء

    ولا قالي ولا كلمة معقولة قلبه قاسي لهالدرجة انا ماخنته

    معقولة يشك فيني وتكون هذي نهاية حبنا

    وقف مشعل يناظر ضياء الي تبتعد عنه شيء فشيئا الى ان

    تلاشت بين زحمة الناس وغابت عن نظرة


    آنـتي مشيتي ..×

    حسـيت رآح آقول ارجعـي ..×

    غصيـت مـآطلعت معّي يـــــــــــــــآآآرب سـآعدني ..×


    طلع برا المطار ورن جواله صاحبه راشد ابن المحامي

    مشعل:هلا راشد

    راشد:هــــــــات البشششاره

    مشعل:الي تبي بس وش الموضوع

    راشد:انت ربحت الدعووووة وعمك خسسرهااا مبروووووك

    مشعل:الله يبارك بعمرك

    ×××××××××××××××××××××××××××××××××

    دينا:فيونه امجاد متى اخر موعد لها

    فْي:والله مدري يمكن بكره

    امجاد:لا اليوم

    دينا بشعور غريب:اوكي انا بروح معاك لاني ابي اغراض من السوق

    امجاد:يعني بنمر السوق علشان اجهز نفسي

    دينا:ايه

    في:وش الاغراض

    دينا:مكياج وعطورات وابي بلايز

    في:اهااا

    ×××××××××××××××××××××××

    امجاد ودينا جالسيت ينتظرون دخولهم عند الدكتور

    الممرضه:يلا

    دينا:يلا جاء دورنا

    دخلوا الثنتين على الدكتور الي كان منزل راسه ويكتب

    ويقراء اسم امجاد وهو منزل راسه وبعدين رفعه

    الدكتور:انتي امجاد فايز <كان ياشر على دينا

    دينا:لا مو انا هي

    الدكتور:اه اسف انتي والدتها

    ديما حمقت عليه:لا مو امها

    الدكتور :اجل من تكونين حضرتك اقصد وش صلت قرابتك بالمريضه

    امجاد تجلس على الكرسي:عمتي اخلص علينا دكتور

    الدكتور بدء يراجع لها وبعد انتهائه

    الدكتور:تفضلي بس استعملي هذي الحبوب مرتين باليوم بس

    واسفين استاذه دينا اذا كنا عصبانك

    دينا الي كان باين عليها انها سرحانه

    امجاد:عمتي

    دينا:هاه نعم

    الدكتور:اقلك اسف اذا بدرت مني حاجة ضايقتك

    دينا وهي تاخذ شنطتها وتوقف:لا ايش دعوه يادكتور

    الدكتور:امجاد اخر موعد لك بعد يومين بس مو انا الي براجعك لك

    دينا باهتمام:مين

    الدكتور:الدكتور سالم عبدالرحمن تروحي له وتقولي انا من طرف الدكتور
    حسن عمار
    ××××××××××××××××××××××××××××××

    مشعل دخل البيت وفتح ازرار ثوبه ورمىالغتره على الغنفه

    وجلس يحس انه متضـايق ومخنوق

    "معقوله كلام عزام صحيح وضياء تخوني بس مو مصدق هي تربيت

    ابوفهد الي رباني بس هي مو بنته وشيء اكيد بيصير

    طبعها زي اهلها بس هي غير غير"

    ××××××××××××××
    ×××××××××××××××

    ندى:يمه خلاص انا ماعاد اقدر اتحمل عيالي

    منال:وديهم لابوهم وبعدين حرام تضيعين نفسك عشان موضوع تافه

    ندى:لا اصلا هو متغير عليّ من يوم تركنا بيت اهله

    منال:عارفه بس هذا مش سبب يستاهل تهدمين حياتك عشانه

    ام ندى:وحتى لوانتي ماتبينه هم عياله لو حرمتيه منهم بيشوفهم غصب

    منال:صحيح ولو مااخذهم برضاك بيتخذهم بالقانون

    ندى:هو باع البيت وراجع بيت ابوه يعني لو برجع برجع لهاذاك البيت

    امها:خواته كل وحده راحت بيت زوجها

    ندى:واخوانه بعدين هو راتبه يالله يكفي وياخذ من راتبي

    وهالبيت يفشل لو بغيت اعزم حريم اخواني صديقاتي بهالخرابه

    ×××××××××××××××××××××××××××

    عامر وقف مصعــــــوق في حالة ذهول من منظر ليلى الي كانت

    منسدحه على السرير وشكلها مره تعبان ماكانه شافها اليوم الصباح

    سليمه قرب من عندها

    عامر:ليلى وش فيك

    ليلى:مدري تعبانه احس اني بمووووت

    عامر شاف جهاز كاشف الحمل جنبها

    عامر:انتي حامل

    ليلى:لا مع الاستفراغ والحرارة والماغص فكرت اني حامل بس لاء مو حامل

    عامر:قومي اوديك المستشفى

    ليلى:لا اذا جاء الصبح وانا على هالحال بروح

    عامر:براحتك

    ××××××××××××××××××××××××

    الســـــاعة 12 الظهر فـي بيت فـلاح

    جميله:السلام عليكم

    ام فلاح جالسة تتقهوى:وعليكم السلام زين نزلت البرنسيسة

    جميله:لااله الا الله

    ابتسام:جميله تعالي المقلط بكلمك بموضوع خاص

    جميله:خلاص

    ابتسام:قومي معاي

    ××××××××××××××××××××××××××××

    جميله:انتوا بس هذا الي مضايقكم

    ابتسام:انا عندي عادي بس امي تبي احفاد من ولدها

    جميله:ابتسام انا بقولك سبب عدم حملي للحين

    ابتسام:تكلمي واتاكدي مااحد راح يعرف

    ×××××××××××××××××××××××××××

    :الووو

    ندى:هلا سلطان

    سلطان:هلابك , وش بغيتي

    ندى ارتبكت:العيال يبون يشوفونك حلا ماتاكل ورائد حالته زفففت

    سلطان:البركة فيك طال عمرك

    ندى:الله يخليك سلطان انا تعبت مع عيالك

    سلطان:طيب..

    ندى:اهم يبون يشوفك تعال اخذهم

    سلطان:خلاص امرهم العصر

    ندى بفرحه:بس هم

    سلطان:نــــــــــــدى..

    ندى:اوك مع السلامه

    ×××××××××××××××××××××××××

    سارة:يمه انا ماابي اتزوج

    ام سارة:الرجال طيب وعنده خير

    سعدون:بعدين هو موافق عليك وعلى عيالك

    ام سارة:حتى لو بغيتي عيالتس عندي

    سارة:لا قوية بحق المرحوم

    سعدون:الله يرحمه ياسارة

    سارة:طيب هو متزوج قبل كذا؟

    سعدون:ايه وعنده بنت اكبر من جود بسنة يعني 15

    سارة:وكم عمره

    سعدون:30 موظف في بنك

    سارة:افكر وارد لك خبر

    ام سارة:على رسلك يابنتي

    بـدت سارة بتفكير عمـيق في بدء حيـاة جديدة

    مع ذاك الرجل الـذي لا تحمل عنه الا اقاويــــــــل


  • #15

    افتراضي رد: ماعلى الدنيا من بعدك حسوف - رواية ماعلى الدنيا من بعدك حسوف كاملة

    الجـــــ آلرآبـــــــع عشر ــزء

    مشعل:انا ياعم بعد مارتبت اموري مع عمي وخذيت شركة ابوي

    وانا مجبور اديرها بنفسي عشان ارجع مستواها الاقتصادي زي ماكان

    على حيـاة ابوي بس انت عارف انا وعد ابوفهد اني مااترك الشركة

    ابوسعود:بما اني انا المدير العام اقولك انت بتشتغل في شركتك

    وبتشنغل معنا هنا

    مشعل:كيف ياعم

    ابوسعود:الي عليك هو حضور الاجتماعات الملفات الي تتطلب توقيعك

    بتجيك عالبريد واذا حبيت تمر تسوي اطلاع هذا برضو من حقك

    مشعل:ماقصرت ياعمي عسى عمرك طويل الا ماسمعت خبر

    عن ابو فهد

    ابوسعود:ابد علمي علمك من سافروا ماسمعنا اخبارهم

    مشعل:الله كريم انا استاذنك الحين

    ابوسعود:على الرحب والسعة

    طلع مشعل من مكتب ابوسعود ولقى قدامه سعود

    مشعل:هلا سعوود

    سعود بدون نفس:هلا

    مشعل:اخباااارك ياعريس

    سعود:بخير<ودخل المكتب وصفق بالباب وراه

    مشعل استغرب من تصرفه ومشى وتركه..

    ××××××××××××××××××××××××××××××

    ليلى وعامر بعد سوء حالت ليلى الي تدنت كثير

    اخذها عامر غصب عليها المستشفى

    طبعـاً الكلام المفروض انقلش بس بترجمة فصحى

    الدكتور:اخت ليلى حالتكِ سيئة جدا

    عامر:اعلم ولكن مابهـا؟؟

    الدكتور:بعد الفحوصات والتحاليل التي اجريناها اليها

    اتضح لنا بان زوجتك تعاني من مرض خطير وهو الان منتشر

    بجسدها اي انها متاخره باستكشاف المرض

    ليلى بقلق:ماذا بي دكتور اقلقتني

    الدكتور:انتِ وللاسف اخت ليلى مصابة بـ لُكيميا بدم حادة جدا

    ليلى وعامر وكـأن حاجة باردة انسكبت عليهم

    عامر الي ماكان متوقع ابد ان ليلى تصاب بسرطان

    كان يشوفها قوية صالبة نفسها اخر حاجة تنكسر قدامه

    اما ليلى الي كانت بحالة ذهول خصوصا ان حالتها متاخره

    عامر العبره خانقته:هل زوجتي ستموت

    الدكتور:هذه قضاء وقدر من غد سوف نقوم بأعطائها الكيماوي

    والادوية الازمه والمتبقي بيد الالـه

    ليلى بدت تبكي وتخبط عالطاولة وتصارق بمووت بموت

    اما عامر وقف وهو يشوف الممرضات يهدونها بالابر

    خلوني اقولكم عن عامر هو مايحب ليـلى الحب الشديد

    بس اتقبلها بعد الزواج كان هو يعتبر ليلى امرأه حديدة

    كما يُطلق عليها فصعب عليه يشوفها منهاره قدامه وهو سندها

    الوحيد وللاسف ماهو قادر يعمل حاجة الى التعزيز النفسي لها

    وهذا بالمسمى الطبي اهم دواء للمريض سوء لكيميا

    او غيرهــــا

    ×××××××××××××××××××××××××××××

    حلا:ماما متى يجي بابا ياخذنا عنده

    ندى:ابوكم اليوم عنده شغل ماهوب قادر يمركم

    منال:انتي ماتغير حالك معاه

    ندى:مع الاسف انا حاولت اغير الي صار بس هو ماخذ موقف قوي

    منال:اكيد الله يلوم من لامه

    ندى:بس انا ندمااانه وعرفانه غلطي

    ×××××××××××××××××××××××××××

    محمد:ترررررررررركي

    تركي:نعم

    محمد:انت ليش اليوم مارحت الشغل

    تركي:اخذت اجازة تعبت كرف

    محمد:ايه بيتنا صاير كئيب

    تركي:مررررررره

    محمد:جميله متى بتجي

    تركي:تقول بكرة العشاء

    محمد:احسها تعيسة مع فلاح

    تركي:وانا بعد من اول حاس

    محمد:والله اني قلت لا توافقون عليه بس سليطين

    تركي:قسمة ونصيب وانا اخوك

    محمد:اي بالله

    ××××××××××××××××××××××

    مشعل:آآاخخ ياراشد مااعرف اذا كلام عزام صح ولا لاء

    راشد:انت غبي طحت من عيني صراحة

    مشعل:معقولة ضياء تخوني

    راشد:وانت ماحاولت تفهم الموضوع قبل لا تتهم اكيد الحين

    تستحقرك وتكرهك

    مشعل:انا لازم اروح واتاكد من كلام عزام

    راشد:ولو انه كذب بس احسن لك تروح لاتظلم البنيه

    ×××××××××××××××××××××××××××

    ملاك:وحشتنننننني ضيو موووت

    ريماس:وانا بعد اشتقت لهااا

    سعود دخل وهم على طاري ضياء

    ملاك:قفلي الموضوع

    سعود:ليش تقفله

    ملاك:سعود انت عارف ليش

    سعود:اش فيك صايره هالايام مو طايقه ولا كلمة مني ماكني اخوك

    ملاك:اخوي اذا احترم نفسه واحترم مشاعر الناس الي تحبه
    احترمه نا

    سعود:ياسلااااااام يعني الحب بالغصب هو ولا ايش

    ريماس جالس تناظرهم مثل الاطرش بزفه

    ريماس:وش فيكم

    ملاك:ريماس مالك دخل روحي غرفتك بسسرعه

    ريماس رآحت لآمها ركض

    ريمآس:يمه الحقي عيالك يتهاوشون مع بعض

    ام سعود نزلت تركض مع الدرج

    ام سعود:وش فيكم

    سعود:اسئلي بنتك المصون

    امسعود:ملاك وش بينك وبين اخوك

    ملاك:ولا شيء

    ام سعود:ملااااااااك

    ملاك:يمه سعود اخوي مايبي يتزوج غدير

    ام سعود:ريماس روحي فوق

    ريماس راحت ووقف عند الدرج وهم ماكانوا منتبهين لها اصلا

    راحت ولا لاء

    ام سعود:انت انجنيت بعدين ضياء مع عمك برااا

    سعود:انا ماقلت ماابي اتزوج غدير

    ملاك:مو قلت ماتحبها

    سعود:بس بتزوجها

    ام سعود:اي هذا الكلام الصحيح ياولدي

    ملاك:يمه انتي ترضين ولدك ياخذ لنت اختك ويعذبها

    ام سعود:هي تبيه تتحمل ومثل مايقولو الي يبي الدح

    سعود:مايقول اح ياست ملاك

    ملاك راحت تركض ودخلت غرفتها

    :وينك ياضيااء اشتقت لك مووووت

    ×××××××××××××××××××××××××××××××××××

    عـند ضيــــآآء الي طول وقتها مقضيته بالمستشفى ابوها

    مريض وعلاجه مستمر والدكاتره بشرو بخير

    وامها حالتها النفسية "زففت" وهي بعد ومشعل زادها

    فوق طعونها طعون بس هي ماتقدر تصبر عنه فقررت تكلمه

    ضياء:الووو

    مشعل:ضياااء

    ضياء:مشعل انا وربي ماخنتك مين الي قايل لك كذآ

    مشعل:القواله

    ضياء:تضيع حبنا عشان كلام سمعته انا محتاجه لك باصعب اوقاتي

    ابيك تكون جنبي وانت تاركني وهاجرني

    مشعل:وانا بعد محتاجك اكثر من اي وقت مضى محتاجك

    ضياء بصراخ وبكاء:انت الي تركتني عشان كلام سمعته كذب

    حرام عليك ذنبي برقبتك يامشعل ذنبي برقبتك

    قفلت ضيآء الخط وكآنت هذي اخر كلمة قـالتها

    "ذنبي برقبتك"

    "ذنبي برقبتك"

    "ذنبي برقبتك"

    تنهـد مشعل بقــــــوة وقرر انه يروح يواجه عزام

    بكل الي بقلبه من موت ابوه لـيــــــــــن سآلفة ضيآء

    يتبــــــع...

  • #16

    افتراضي رد: ماعلى الدنيا من بعدك حسوف - رواية ماعلى الدنيا من بعدك حسوف كاملة

    تتمـــــــــة..
    العشـــــاء السآعة 9:30

    مشعل كـآن متوجه لمزرعـــــة عمه عزام الي تبعد عن الرياض

    تحديداً هي على "طريق ديراب" او تبعده بمسافة

    ومعروف هذا الطريق خط وآحد سيارات شاحنات

    كان مشعل ماشي بسـرعة وهو مقهور وكـآن معه رجـآل

    او بمعنى آصــح شآهد على عقد مزور ضد ابو مشعل

    وحب يجي يعترف لمشعل ويدله على مزرعة عمه

    حامد:مشعل الله يهديك ارفق علينا ترى ذا طريقن خطر

    مشعل:حامد رجاءً اسكت انت عقب فعلتك هذي المفروض انحرك

    حامد:لك الحق انت والعم طلال لحم كتوفي من خيركم

    قـآل مشعل مقاطعه:وانت اخر شيء خنتنآ

    حامد:الطمع شين وانا اخوك لكن شالفايده هذاني انسجنت سنة كاملة

    بعيد عن زوجتي وعيالي واهلي

    مشعل:المفروض اكثـر بعد

    حامد:عاذرك لانك معصب ومنت واعي وش تقول

    مشعل لف عليه: وش قصدك اني منيب صـآحي هاه

    حـامد كـان بنطق بس للاســـــــف ماكمل لان مشعل

    دخل في تريلآ (شاحنه)والسيارة انقلبت وطلعت من الشآرع

    على الاراضي الي عند الشـآرع وجلست دقيقة واقل

    ثــــــــــم انفجـرت بمن هم بهـا مشعل و حـــــآمد

    ×××××××××××××××××××××××××××××××××

    صحت من النوم مفزوعه وتصـآرخ

    :آآآآآآآه يمه ابووووي

    منى بفزع:ضياء امي وش فيك

    ضياء ببكاء شديد:يمممه لالالالا مـآآآآت

    ودخلت ضياء بنوبت بكاء ومنى تحاول تهديدها وتمسح

    على رآسهـا وتشربهـآ مويه لان ضياء لما خذوهآ وهي صغيرة

    كآنت تصير لها مثل هالحالة

    ×××××××××××××××××××××××××××××××

    الســـاعة الحادية عشر ليلاً الناس مجتمعين عالسيارة

    الي واضح ان الي فيها خلاص مافي امل من حياتهم

    الرجال1:انا لله وانا اليه لآراجعون

    الرجال2:لاحول ولاقوة الا بالله اكيد الي فيها ودعوا الحيـاة

    الرجال1:انت صاحي شايف السيارة كيف منقلبه ومنحرقة حرق

    واحد من الناس الي متجمهره

    :شوووف فيه رجال جو السيارة

    الرجاجيل انتبهوا ليد سوداء طالعه من تحت السيارة

    الرجال1:خلونا نطلعه ياشباب يمكنه حيي

    الرجال2:لا الاسعاف الحين بتجي وبتطلعه

    ووصلـــــت الاسعـاف والشرطـة وطلعوا الرجال الي كان في السيارة

    الشرطي:مافيه الا واحد بسيارة وهو الي كان يسوق الظاهر

    الشرطي:هذي بعض الاوراق الي تناثرت وهذي شنطة طلعت من الشباك

    الشرطي:هذي بطاقة احوال ومحفظة واوراق بـأسم مشعل طلال الـ ...

    الشرطي:وهذي اوراق بـأسم عزام الـ ...

    خلنا نروح القسم ونتصل بالارقام المتواجده وهذا الجوال نحاول نشوفه

    معقولـــــــة مشعل مـآآت خلاص بدون مايتأكد من براءة ضيـاء

    وياخذ حق ابوه وعزام خلاص بيستولي على حلال مشعل

  • #17

    افتراضي رد: ماعلى الدنيا من بعدك حسوف - رواية ماعلى الدنيا من بعدك حسوف كاملة

    الجـــ الخــآمس عشر ــزء

    الصبــاح الســـاعة 8:12

    ابوسعود:لاحول ولاقوة الا بالله

    ام سعود:وش فيك ياابوسعود

    ابوسعود بضيقة واضحه:مشعل

    سعود:وش فيه بعد

    ابوسعود:امس صار عليه حادث

    ام سعود:عسى ماصار عليه شيء

    ابوسعود:ماسك عمره:توفى لقو جثته محروقه

    ام سعود والبنات انصدموا

    ابوسعود:لازم اقول لام فهد

    ام سعود:لا الحرمه رجلها تعبان ومشعل حسبت ولدها

    واذا قلنا لها بتنصدم

    ابوسعود:واخوي مااقدر اقوله

    سعود:طيب علموا ضياء وقولو لها تقولهم في الوقت المناسب

    ريماس:صح كلام سعود

    ابوسعود:اجل خلني اكلمها

    تو ابوسعود مطلع جواله يكلم ضيآء الاتكلمت ملآك

    ملاك:لا لاتقولو لضياء

    سعود بشك:ليش انتي عارفة شيء ومخبيته

    ملاك:يبه ضياء ومشعل يحبون بعض ومخططين يتزوجون وهم في الاونة

    الاخيرة صارت بينهم مشاكل وسافرت وهم متهاوشين

    وخبر وفاته بكون صدمة لها

    ابوسعود:انا لله وانا اليه لاراجعون

    ××××××××××××××××××××××

    عزام:وشوو انت وش قاعد تقول

    فايز:مثل مااقولك مشعل راح يعني بـــــــح

    عزام:كيف مات ومتى

    فايز:على طريق المزرعة شكله كان جايلك

    دخل عليهم السكرتير

    السكرتير:طال عمرك فيه ظابط برا يبغاك

    عزام:وش يبي

    السكرتير:يقول بحقق معاك بخصوص وفاة مشعل

    عزام:ايه خله يدخل

    الظابط:السلام عليكم

    فايز+عزام:وعليكم السلام

    الظابط:اتوقع انك عرفت سبب حضوري

    عزام:اي نعم تفضل

    الظابط بدء يحقق مع عزام بخصوص الاورآق الي

    لقوها بسيارة مشعل باسمه واسم ابوه واسم عزام

    وطلب منه انه يجي يتاكد من الجثه اذا هي جثت مشعل او لا

    ××××××××××××××××××

    في المستشــفى

    ابو سعود وسعود ورآشد وعزام

    دخلوا الثلاجه عشان يشوفون جثة مشعل بس للاسف

    الجثة كانت محترق بالكامل يعني ملامح الوجهه

    مابـآنت لكن بما انه هو في السيارة وجواله واوراقه

    الي شهد راشد انه شافها مع مشعل اكدت انه مشعل

    ××××××××××××××××××××××

    راشد دخل غرفته ورمى غترته على السرير

    وتذكر كلام مشعل قبل لايروح لعمه

    مشعل:اسمعني ياراشد انا بروح لعزام واذا صار لي شيء

    وماارجعت الله يخليك كلم ضياء وقلها تسامحني وتحللني واني

    ماشلت بقلبي شيء عليها ومافكرت غير فيها

    راشد:ياسبحان الله كنت حاس يامشعل كنت حآآآس

    اخذ راشد جواله واتصل على ضياء

    ضياء:الو

    راشد:الو السلام عليكم

    ضياء:وعليكم السلام

    راشد:اخت ضياء

    ضياء:ايوا من معي

    راشد:اه انا راشد صاحب مشعل

    ضياء بدء قلبها يدق بسرعة:نعم اخوي تفضل

    راشد:ضياء سامحيّ مشعل مشعل ماشك فيك سامحيه

    ضياء:مشعل وش فيه

    راشد:اول سامحيه حلليه

    ضياء:محلل محلل يامشعل

    راشد:ضياء انتي عارفه ان الحياة قسمه ونصيب وقضاء وقدر

    ضياء بديت تنزل دموعها:وش فيه مشعل

    راشد:مشعل يطلبك الحــــــل

    ضياء من سمعت هالكلمة وهي حاسه انها انهبلت عقلها

    خبط اول قامت تضحك بعدين جلست تصارخ وتصيح

    ودخلت منى عليها وهي تركض وتضمها

    منى:ضياااء وش فيك ضيياااء

    ضياء بدت تصارخ وتقولها كلام مقطع ومموب مفهوم

    جلست تقراء عليها وتشربها مويه وتمسح على شعرها

    لين عرفت انو مشعل مات

    ×××××××××××××××××××××××××××××

    الرجـاجيـل طالعين من المقبره متوجهين بيت ابو سعود

    سعـود كان يفكر وسرحان كيف راح تكون حالت ضيـــاء الحين

    ×××××××××××××××××××××××××××××

    اما ضياء الي ماغير دموع بدون صوت

    ولا تاكل ولا تشرب وتلوم نفسها انها هي السبب

    ×××××××××××××××××××××××××××××××

    محمد:انا لله وانا اليه لاراجعون لازم نروح العزاء

    تركي:اكيد لازم

    سلطان:اجل بعد نص ساعة اجهزوا

    جميله:مسكينه ضياء الله يكون بعونها

    محمد:اي بالله ,الا ليلى ماكلمتكم

    جميله:لا

    تركي:خير انشاء الله

    ×××××××××××××××××××××

    في مكــآن ثــــــــآني بعيد عن هالاجواء

    :يبه الله يخليك وقف

    الاب:وين اوقف فيه

    :مااقدر اتحمل مثانتي بتنفجر

    :ايه يبه اخوي حشران وقف في اي مكان صاد

    الاب:طيب طيب,يله انزل

    وقف الابو عـنــــــــــد مكان بعيد عن الشارع

    نص البر وقف عند شجرة راح الولد يقضي حاجته

    ولما انتهى انتبه لشيء قدامه مو بضبط بعيد شوي

    كان بيرجع السيارة بس لفته هاذا الشيء

    وقرب من عنده طلع قلبه من مكانــــــــه

    وراح يركض لسيارة

    الاب:وش فيك

    الولد:يبه تـ ـعال شـ ف فـ ـ ـ يه شـيء هنــ ـ ـأك

    الاب ارتاع من منظر ولده نزل ونزلت وراه بنته الي

    اكبر من اخوها بسنتين

    وقربوا من المكان

    الاب:لا حول ولاقوة الابالله

    الولد:مااات يبه

    الا:اكيد انت ماتشوف وجهه

    البنت:لا يبه مامات لسى فيه نفس

    الاب قرب من عنده وحسس نبضه مـازال الرجـال عـايش

    الاب:يله نوديه المستشفى

    ركب الولد قدام والبنت والرجـال

    وراء كانت تتأمل ملامح وجهه وسيم رغم الجروح الي كاسيه وجهه

    ×××××××××××××××××××××××××××

    الدكتور:انتوا تعرفونه

    الرجال:لا قلت لك شفناه عالطريق

    الدكتور:عالعموم هو الحين طلع من غرفة العملية

    البنت:فيه شيء

    الدكتور:لا سليم بس كسور ورضوض وجروح وحروق لابد منه ا

    بعد سـاعــــــــات صحى مشعل

    الرجال:الحمدلله عالسلامه ياولدي

    مشعل:بصعوبة نطق:ويني فيـــــــه

    الرجال:انت في المشفى لقيناك عالطريق اظن حاصل عليك حادث

    دخل الدكتور من الحـالة والمعـاينة اتظح ان مشعـل

    فــــــــــاقد الذآكـــــــــــرة

    ×××××××××××××××××××××××××××

    منى: الحقيني ياام سعود ضياء تعباانه مره

    ام سعود:وش فيها

    منى:اكيد انك عرفتي انو مشعل وضياء يحبون بعض وهي حالتها جدا سيئنة

    ام سعود سرحت

    منى:ام سعووووود

    ام سعود: اقولك جيبيها عندنا

    منى:اي والله ابوها يسئل عنها وانا ماعرف وش اقوله

    ×××××××××××××××××××××××××××××××××××××××

    مشعل:انا موب متذكر اي شيء

    الدكتور:انت يااخ فقدت الذاكره

    الرجال:انت ماتذكر شسمك كم عمرك

    مشعل:لا ولا اي شيء

    طلع الدكتور وهو تمر عليه الاف الحالات من حالت مشعل

    مشعل:انت مين تعرفني

    الرجال:لا حنا لقيناك على الطريق وجبناك

    مشعل :شسمك

    الرجال:زيد والي شافك ولدي بدر وبنتي سمر

    وبدء زيد يكلم مشعل عن نفسه وعياله بحكم انو يبغى يخرجه من جوه

    ×××××××××××××××××××××××××××××××××

    ابوسعود:اي والله انا ودي اجيبها عندي ابوها ومشعل صدمة

    ملاك:ايه يبه الله يخليك ضياء تبغى من يوقف جنبها ويخرجها من جوها

    ابو سعود:بس المشكلة انو شغلي والعزاء مااقدر اتركهم

    سعود نط:انا وملاك نروح ونجيبها

    ×××××××××××××××××××××××××××××

    عامر:ليلى الله يخلي كلي لك حاجة

    ليلى:عامر مالي نفس

    عامر:كيف تبغي تتعالجي وانتي ماتاكلي

    ليلى بصراخ:ومن قالك اني بتعالج ماسمعتهم يقولون بمووت

    دخل ليلى في نوبة بكاء وجلس عـآمر يهديها


  • #18

    افتراضي رد: ماعلى الدنيا من بعدك حسوف - رواية ماعلى الدنيا من بعدك حسوف كاملة

    الجــ السـآدس عشر ـــزء

    في المطار سعود وملاك واقفين ينتظرون ضياء

    ملاك:سعود هذي ضياء

    راحت ملاك تركض وحضنتها

    ملاك:وحشتيني ياضياء

    ضياء الي ماتكلمت ولا بكلمة والدموع تزل من عيونها بصمت

    ملاك:سعود يله نروح البيت

    ×××××××××××××××××××××××××

    ندى:يمه سلطان قال برجعني بس بشرط

    ام ندى:وشهوو

    ندى:اني ارجع معه بيت اهله

    ام ندى:والله اذا كان هذا شيء فيه مصلحتس ارجعي

    منال:ايه ياندى عيالك توهم صغار وانتي بعز شبابك لا تهدميسن بيتك بنفسك

    ندى:كلامك صحيح انا تغيرت حيييل يامنال

    ×××××××××××××××××××××××××

    ضياء بعد ماوصلت بيت عمها جلست بغرفة لوحدها

    حزينة لا تاكل ولا تشرب ولا تتكلم بس دموعها الي تنزل بصمت

    دخلت عليها ملاك:ضياء جبت لك شوربة وعصير برتقال الي انتي تحبية كلي

    ضياء:....................

    ملاك:عشان خاطر مشعل اذا كنتي تعزينه كلي

    ضياء:................

    دخلت عليهم ريماس

    ريماس:مليييك فيه وحدة تبيك تحت

    ملاك:منهي

    ريماس:تقول صديقت ضياء اسمها اريج

    ملاك:ناديها

    ..

    دخلت عليهم اريج

    اريج:السلاآآآم عليـــــــكم

    ملاك:وعـــلــيكم السلام

    اريج:شلونك ملاك؟؟

    ملاك:الحمدلله وانتي

    اريج:ماشي الحال,ضياء حبيبتي عظم الله اجرك

    ضياء:................

    ملاك:هذا حالها من بعد السالفة لاتتكلم ولا تشرب ولا تاكل

    اريج:معليش بس ممكن تتركيني معها لوحدنا

    ملاك:اكيد خذي راحتك

    ××××××××××××××××××××××××××

    بعد اسبوع

    محمد:انتوا موب شايفين ان ضياء لازم تجي عندنا

    تركي:صح صار لها اسبوع ببيت عمها

    سلطان:بس هي تبي احد يهتم فيها

    جميله:انا فيه ندى

    محمد:اجل قومي معاي يجمووله نروح نجيبها

    جميله:يله

    ××××××××××××××××××××××××××××××××××

    مشعل طلع من المستشفى جروحه شفت لكن الحروق الي بجسمه

    مازالت موجودة ياخذ مراهم عشان تختفي الحروق

    طلع وراح مع زيد بيته الي اهتم به احسن اهتمام

    وكانه يعرفه من سنوات مشعل خلاص فقد الذاكرة مو قادر يتذكر اي شيء

    حتى اسمه ناسيه وزيد وبدر وسمر اطلقوا عليه اسم (غريب)

    نسبة لانه غريب ومشعل يتعالج عند دكتور نفساني لان الحادث

    يتردد عليه بالمنام بس مايتذكر لوين كان متجه او مع من

    وجه بنت يتردد عليه بس بطريقة مشوشة ومو واضحة

    واشخاص كثيرة بس انو فشل في معرفتهم

    زيد:غررريييب غررريب

    مشعل كان منسدح عالسرير ويقراء القرآن

    مشعل:نعم

    زيد فتح الباب:السلاام

    مشعل:السلام

    زيد:غريب انا بروح سوق الخرفان يمكن القى رزق هناك

    بدر وسمر عندك انتبه عليهم

    مشعل:لاتوصي حريص

    زيـــــــد رجال في الاربعين من عمره اب لولدان ولد في الـ11 من عمره

    وبنت في الـ 14 من عمرها

    حالته المـادية فقيرة عايش بأحد احياء الرياض الفقيرة

    بيت شعبي حوش وخمس غرف وحمامين ومطبخ ومقلطين وصالة

    زوجتة تطلقت منه بسبب فقرة وتركته وتركت عيالها الي صار

    هو الاب والام لهم رباهم درسهم كبرهم

    يشتغل الصبـآآح سواق ينقل المعلمات ويجيبهم وقت مااحتاج فلوس

    رآح سوق الموآآشي يبيع غنم يترزق الله منه

    وهــــــذه حيـآآته الي بدء مشعل يتئقلم معها يوم عن اخر

    ××××××××××××××××××××××××

    جالسة بغرفتها وبيدها ملزمة جالسة تقرء فيهـآ وتقرء

    لكن عقلها مو بالي تقراه مخها في وادي وعيونهاا بوادي

    دخلت عليها سمر

    سمر:غدووووره

    غدير:هاه

    سمر:اسمعي انا وامي بروح السوق تجين معنا

    غدير:لا مالي نفس وبعدين عندي امتحان بجلس اذاكر

    سمر:براحتك بس ماتبين شيء من برآآ

    غدير:لااا بس وانتي جاية مري الصيدلية جيبي مهدئات

    سمر تتنهد بقوة:حاااضر

    نزلت سمر الي تعودت على حالة اختها من يوم ماتملكت على سعود

    ××××××××××××××××××××××××××

    ماذا اقولُ وعبرتي تترقرقُ والشوق بدا اذ فؤادي شيقُ..
    ماذا اقولُ وكل حزناً زارني والوجه من حر يبرقُ..
    ماذا اقول وقد ترحل جمعهم عنيّ وبِت بكل جُرحاً اُسحقُ..
    أأقول اني قد فقدتُ احبتي..
    الفقد شيئاً من شعورِ اضيقُ..
    الكلُ يسئُلنيّ حياتُكَ مابها..
    صارت تقُطعُ ماتحب وتشنقُ..
    ××××××××××××××××××××××××

    ضياء وصلت بيت اهلها ودخلت غرفتها بحزن

    جميلة:الله يخليك يا ضياء احكي ابسمع صوتك

    ضياء:.................

    جميلة:الله يخليك انتي زعلانة عشان مشعل مآت

    ضياء هزت راسها بـ نعم

    جميلة:طيب انا وش اقول الي تزوجت رجال عقيم مايجيب عيال

    ضياء ناظرتها بفجعه

    جميله بدت تنزل دموعها وتبكي:والي يزيد الجرح الم ان انهم يحسبون
    اني انا الي مااجيب عيال موب هو

    ضياء ضمتها وتخالطت دموعها بدموع جميلة الي كانت قدامها

    أنسـآنه مرحة ورجه وتحب الهبال ولا همه باحد والان صارت

    حزينة وجهها معبس هـــاجدة غير العادة

    فمن رأى مصيبة الناس هانت عليه مصيبتة

    ××××××××××××××××××××××××××××××

    دينا مآسكة جوالهـا بيدهـا وودها تتصل بس متردده

    دخلت عليها امجاد

    امجاد:عممه

    دينا بفجعه:هآآآه

    امجاد:عمتي وش فيك فيك شيء

    دينا جلست على الكرسي :لا امجاد مافيني شيء

    امجاد الي كانت تحس بعمتها وعارفتها اكثر من نفسها:دكتور حسن صح

    دينا التفت عليها بصدمة:ايــــــــــش جالسه تقولي

    ×××××××××××××××××××××××

    عند ليلى وعـآمر الي بدء علاجها بالكيماوي

    وهي تبكي من عرفت انها مريضة ماجفت دموعهـآ

    وهي خلآص حاسه انها بتمووت

    وعـآمر وـآقف برا ماهان عليه يشوفها كذا وهي منهارة

    جاه الدكتور

    الدكتور:استاذ عامر زوجتك حالتها متئزمة

    عامر:نعم لكن ماابستطاعتي ان افعل

    الدكتور:مهم جدا بان نجد لها متبرع حالا

    عامر:متبـرررررع

    الدكتور:نعم قم انت باخبار اقربئها لكي نجد النخاع الشوكي ونحن

    بدورنا سنبحث لها عن متبرع

    عامر:حسنـاً

    عامر حس انه توهق ليلى منبهته مايخبر احد بس هو لازم يقول لاهلها

    ×××××××××××××××××××××

    كان الكل مجتمع بالصالة يتقهون

    ضياء في صمتهـــآ جالسة معهم ولا كنها معهم

    تركي سـآرح بأفكاره بحال اخته وحاله

    ومحمد جالس يتفرج عالتلفزيون ويشرب الشاي ولا هامه حد

    جميله صآمدة عمرها عشان ماتنهار اي لحظة قدامهم

    ندى تحاول تصلح علاقتها بزوجها مثل اول واحسن

    سلطان مشاكله ماتنتهي من زوجته لين اخوانه

    وفجـأه رن جواله

    سلطان:غريبة عامر متصل,الو هلا عامر.. الحمد لله الكل بخير .. خير عسى ماشر..انت صاحي وش تقول..لاحول ولاقوة الابالله..خلاص خلاص انا اقول لاخواني ونشوف الوضع..مع السلامة انتبه لليلى

    تركي:خير وش صآر

    سلطان:ليلى اختك

    الكل:وش فيهـــــــآآآآ

    سلطان:ليلى طلعت مريضة بـ سلطان بدم ويبغون لها متبرع لان حالتها خطيرة

    ضياء الي كانت منزله رآسهـا رفعته بقوة ونزلت دموعها

    تركي:ليششششش عامر ماقالنا من اول

    سلطان:هذا مو مهم المهم ان لازم واحد منا يتبرع لها

    محمد:بس ليلى فصيلة دمها تختلف عن فصيلت دمي

    تركي:حتى انا فصيلت دمي مثلك ياسلطان

    جميله: وانا مختلفة عنفصيلت دمها

    :انــــــــا الفصيلة المطابقة لها

    الكل وجه نظرة لمصدر الصوووت

    سلطان:ضيآآء صح ضيــآآآء

    جميله نطت وضمتها:ضياااء تكلمتي اخيرراااا

    ××××××××××××××××××××××××

    راحت ضيـاء وجميله وسلطـان لليلى

    وبعد فحوصـات تبرعت لها وجلسوا اسبوعين ورجعوا السعودية

    ضياء صارت تاكل تشرب بس حالها مو مثل الاول

    رجعت للجامعة تروح وتجي ع الفآضي

    جميله يوم عند زوجها ويوم عند اهلها سلطان اموره صلحت مع

    زوجته الي الكل لاحظ تغيرهـآ

    ×××××××××××××××××××××××××××

    في بين زيــــــــــد كانت سمر جالسة عند التلفزيون وبدر يلعب بلاستيشن وزيد برآ ومشعل جالس في الحوش

    كان يفكر في حلم شافه شآف حرمه تناديه وتصآرخ وتصيح

    ماكان يسمع منها الا صراخ حتى الاسم الي تناديه به ماانتبه له

    ولا حتى شكلها حاول يتذكر عصر مخه

    وبينما هو جالس يفكر رن الهاتف راح هو يرد

    مشعل ببرود:الو

    :الووو هلا زيييييد

    مشعل:من معي

    :انت مو زيد

    مشعل:لا انا .. انا غريـــــب

    :هذا مو بيت زيد الــ ....

    مشعل:الاء بس زيد موموجود اخذي بدر

    بدر جاء:الو هلا عمتي.. ابوي موب فيه..هذآ عمي غريب..من ثلاث شهور..والله متى طيب..خلاص اذا جاء ابوي اقوله..مع السلامه

    سمر نطت:عمتي كوثر

    بدر:ايه تقول بكرة بتجي خل ابوي يجيها المطار

    مشعل:من من ذي بدوور

    بدر:هذي عمتي اخت ابوي من ابوه

    مشعل:وينها فيه هي

    سمر:مسافر تدرس وخلصت وبتجي بكرة

    مشعل:آآهــــــــــآآ

    ××××××××××××××××××××××××××

    اليوم الثـــــاني زيد جاي وراه دخلت كوثر ومعها حرمه كبيرة بالسن

    راحوا العيال يركضون لها

    سمر:عمممممممممممممممممممة وحشتيييييييني

    كوثر:ياهلا ياهلا بعيال اخووي شلونكم

    زيد:يمه كوثر تعالوا هذا غريب اخوي الي قلت لكم عنه وهذي اختي من ابوي كوثر وهذي امها الي بحسبة امي

    غريب:هلا فيكم

    مشعل الملقب بغريب اصبح له اكثر من شهران ماكث عند زيد

    تعود على ابنائه اخته وامه الذين اصبحوا بحسبة اهله

    بل اعز على قلبه

  • صفحة 3 من 4 الأولىالأولى 1234 الأخيرةالأخيرة

    المواضيع المتشابهه

    1. رواية ونطق الصمت , رواية ونطق الصمت كاملة , تحميل رواية ونطق الصمت txt
      بواسطة عيونه غرامي في المنتدى روايات - روايات طويله - روايات كامله
      مشاركات: 12
      آخر مشاركة: 11-14-2013, 12:31 AM
    2. رواية الخيميائي , رواية الخيميائي كاملة , تحميل رواية الخيميائي.rar
      بواسطة عيونه غرامي في المنتدى روايات - روايات طويله - روايات كامله
      مشاركات: 6
      آخر مشاركة: 03-27-2013, 06:27 PM
    3. رواية أوليفر تويست من سلسلة أجمل حكايات الدنيا كاملة
      بواسطة زهرة جميلة في المنتدى روايات - روايات طويله - روايات كامله
      مشاركات: 0
      آخر مشاركة: 03-08-2012, 07:01 PM
    4. الدنيا
      بواسطة أشواق المحبين في المنتدى الملتقى العـام ~
      مشاركات: 4
      آخر مشاركة: 02-28-2012, 08:16 PM
    5. _مشاهد من الابتلاء_
      بواسطة الاسد 5 في المنتدى أحكام الدين - واجبات المسلم ,وفتاوي
      مشاركات: 5
      آخر مشاركة: 04-04-2011, 04:39 PM

    الكلمات الدلالية لهذا الموضوع

    عرض سحابة الكلمة الدلالية